مساء المحبه على عيونكم الحلوه
في منتصف الرجوله
البارت العشرون
بقلمي.. حنين العلي
جواهر.... انصدمت من كلامها اباوع بوجهااا !!!
نزلت دمعتي وباوعت بعيونها الله ياخذني لحتى ارتاح منج وطبيت للحمام اشهك من البجي...
باوعت على روحي بالمرايا عيوني دم من البجي صفنت على روحي واعاتب نفسي ..
ايييي يجواهر لا امج حوتج ولا صديقه حبتج ولا كرايب نفعتج كلهم واحد ورة الثاني الثاني يغدر بيج بس من غبائج وبسببج رحتي حجيتي بس لو تبطلين هالفطارية جان هسة انتي بخير ..
غسلت وجهي وطلعت للغرفه حتى عشه متعشيت خاصه من انقهر نفسي تنسد عن كلشي فتحت المبايل لكيت رسائل كومة من مقداد ظال باله عليه ويسأل عني
جاوبته ... اني زينه والحمدلله ليظل بالك عليه رد بسرعه
مقداد ... لعد وينج مختفية ؟؟ من البارحه ماعندج نت وكفتي كلبي كلت خاف اهلج لزموج او صارلج شي؟
جواهر.... لا موجودة بس رحت للدوام ومحاضرة ونمت وكعدت نفس الروتين لتخاف ممخليه احد ينتبه عليه لان دنتواصل عالماسنجر ورقمك ماعندي وحتى الماسنجر خافيته وكايله الهم ماعندي فيس وكاتمة الاشعارات ..
مقداد... ايي عفية زين تسوين بس ليش ضايجة؟
جواهر... لا مضايجة مو هياتني اسولف وياك ؟
مقداد... لا ضايجة اعرفج من كلامج شبيج عيني؟
جواهر.... لا والله مابيه شي !!
مقداد... ماشي براحتج شوكت متحبين تسولفين اني موجود واسمعج وافتحي كلبج الي كأنو غريب ..
جواهر... تمام شكراً ...
ظل يسولف شوية وراح لان ورانه دوام هوة جامعه واني اعدادية ولازم ادرس واكعد على وكت ..
بس من اداوم اكدر اغير جو ويه صديقاتي جنه ثلاثه واني رابعتهن نضحك ونسولف ومن يشوفوني ضايجه ينصحوني .. مرة من المرات باوعت وحده منهم وكالت جوهرة ندري بأمج كلش موزينه وياج وحياتج مماشيه عدل واكو شغلات انتي ضامتها متقبلين ندخل بيهن بس الله يخليج لتظلين ضايجه ليش هيج انتي
هاملة روحج !!
ضعفانه الهلات السودة جوة عيونج ماكله وجهج متحجين ويه احد وبس ويانه لو تسولفين لو متسولفين ..
جواهر... هاهية شسوي هي هاي حياتي بس ادعولي تتغير بدوا ينصحوني يوكفن وياية مرات اكل للمدرسة مماخذة وبالاصل مصرف متنطيني امي واذا تنطي بس ربع تكلي اشتري بيها شربت ويه اللفه اخذها من البيت تجي فترات حتى لفه ماكو واروح على لحم بطني وارجع واباوع على غيري مو بحسد بس بغصه قهر اكول عدهم ويصرفون وينطون لأبنهم العار كل ٣٠٠ الف سوة من يروح للاقسام الداخلية غير الملابس اشكال يشتري ومبايل ارقه شي يغير،
واني من يمي يعصروها عصارة الربع اشوفه حسرة عليه واكول تهون اكول يجي يوم وافرح واكون انسانه كد حالي ودوم دعائي يدزلي الانسان الي يحبني ويخاف الله بيه حتى اكدر اعيش واخلص منهم لان اعرف وياهم ماكو راحه
امي على وضعها وياي صارت الحقارة تزيد يوم عن يوم يعدن كل اسبوع او شهر سوة متحاجيني ع كد اللكمه بيوم كملت تنضيف البيت هيه جانت طالعه لسوك اجتي فتحت العلاليك مشتريه الها سيتات نوم تلاثه وملابس داخليه على 3قطع وحجابات وصايه ودشاديش الها والاخواتي جان تشمر عليه شورت عبالك شامرته على خدامه
