في منتصف الرجوله
البارت الاخير
السلام عليكم ورحمة الله وبركاته
طبعاً انتوا متعودين ومنتظرين الكاتبة حنين العلي تنزللكم النهاية لكن نظراً لظروفها القاسية والصعبة الان وياكم الكاتبة صبا يوسف ، حنين انطتني الاحداث وكتبت البارت وفتحت حسابها ونشرته .. اتمنى ينال اعجابكم واكون عند حسن ظنكم وظن اختي وصديقتي حنين ..ولا انسه تعتذر منكم كلش هواي وخجلانه لان مو من عوايدها تتاخر بس الظروف تحكم
قبل ما ابدي بكتابة البارت اكو شغلة حبيت اكولها ، للاسف قريت هواية تعليقات يكولون حنين هواية تأخرت هي فاتحة 3 ايام وتخلص ، حبايب انتوا ممجربين من يكون المتوفي من اهل البيت وخاصة المتوفية عمتها ام زوجها يعني فوك حزنهم وقهرهم على مصابهم الخطار ميفاركهم واعتقد راح تضل الهوسة للاربعين فالي ارجو منكم تقدرون ظروف المقابل ..
واخيراً اطلب منكم قراءة سورة الفاتحة على روح الفقيدة والدعاء لها بالرحمة والمغفرة رحم الله امواتكم جميعاً ..
قراءة ممتعة ..
روز..... اخر 5 ايام كمت احس بمغص ولويات تجي وتروح يمه احس لشتي ترجف اخابر الدكتوره تكلي لاتخافين روز سوينه العلينه الباقي على الله رضا يسال ماكله حته لا اقلقه كامت توكع عليه وصاخه جوزي فاتح اخابر الدكتوره تكلي بالكت مال انغراس الاجنه حركه ما اتحرك حته لو نحصرت بودي ماروح صار موعد التحليل والتحليل رقمي الي يطلع بالارقام متريد مجرد تحليل عادي حته تشوف النسبه شكد وعلى اثرها تعرف صار حمل او لا جابلي رضا السياره للباب شالني صعدني ونزل وحده للمختبر اني بقيت بسياره حجه وي ام المختبر كللها
رضا..... الله يخليج زوجتي حاله خاصه انتي تعالي سحبيلها ما اكدر انزلها .
روز...... كلتله تدلل اجتي سحبتلي الدم كلتله رجعها للبيت وتعال بعد ساعتين لان يتاخر رجعني وكاعده على نار احس كلبي يدك براسي وجسمي يرجف كتله رضا خايفه!!!!
رضا..... لا حبيبتي لتخافين املنه باالله شنسوي يعني نتكاتل صار صار... مصار الحمد لله على كل حال ميصير غير الكاتبه.
روز...... هزيت راسي وافرك بديه اعرف يحجي هيج بس حته يطمني صار الوقت راح هوه واني بقيت حالي مثل الي ينتظر نتيجة امتحانه لو راسب لو ناجح حلكي مبطل من الدعاوي والنذورات ماخليت امام ومقام مانخيته جانت لحضات صعبه كلش الانتظار صعب وبذات بهيج امور توتر وقلق لحد مااجه وكفت على طولي وعيني بعينه نزلت دمعتي قبل ليحجي النتيجه كتله هاااا رضا؟؟؟؟؟؟؟؟
رضا...... خابرتني الدكتوره كالت ننتظر كم يوم و نعيد التحليل!!!!
روز........ ماكو حمل؟؟ لا تقشمر عليه كولي الصدك الله عليك نزلت دمعتي تسابق على خدي كتله اعرف حظي اعرفه اني شوكت مشت ويايه عدل؟؟ حته هسه ليش ربي ليش؟؟؟؟ تقرب مني لمني الحظنه والقهره واضحه بعيونه حجه بتعب ونبره صوته مخنوكه بالعبره
