السلام عليكم
في منتصف الرجوله
البارت الحادي والعشرون
بقلمي حنين العلي
ما ينوخذ طيرٍ وراعيه صگار ولا تنوخذ مهره وخيّالها فارس🤍
روز..... ابويه كال اريد اسال عليه بمكان شغله هوه جان يشتغل محل تصليح مولدات عملاقه ابوي دز على ابو وسام اخذه وياه وراحو علمود يسألون عليه من رجعو ابو وسام ماعاجبه
ابو وسام...... والله ياابو وليد اذا تسمع كلامي اشوف الابنيه صغيره والرجال كبير وعده ولد وبنات حرام وجريمه تشمرها هيج شمره وهيه مكسوره شلون هيج
ابو وليد....... انته تعرف هيه مطلقه منو يجيها غير هيج قسمه قابل حيجيها الصغير والشاب والرجال حالته زينه
ابو وسام..... والله ماعرف شگلك بس اني كلش موراغب ولا كلشي بالفلوس هيه هم روح خطيه فكر بيها ولا تتسرع اترخص يابه اريد اخذ جواهر للدرس سبتني سبايه
روز...... ضليت الوب كل ما اذكر هذه الرجال يصير زوجي اتخبل واظل ابجي اتفقو على الذهب واتفقو على المشيه واجه اخذنه رحنه البيتهم شفناه كل شويه يحاول يمشي بصفي اني اوخر عنه روحي مراغبته ابد وصلنه البيتهم شفت بناته المزوجات 2 وابنه المزوج وجنته كعدت على اعصابي بناته زينات كعدن يسولفن ويايه مرحات مبينين يردون يزوجهه ويخلصون منه
وفدوه الله تخبلين وصغيره نيال ابونه عليج والله ابويه حيشبع بيج ويضحكن
اني احس شعر راسي وكف وجلدي كزبر كالو تعالي نراويج.البيت كمت اشوف البيت حلو ومرتب كالت وحده من بناته
تره بس انتي وابويه اخويه بمشتمل فوك يعني البيت بس الج والأبويه والله ابويه حيلعب لعب وين محصل هيج جمال
احس عيوني غرغرت بالدمع كالت وصلنه الاجمل غرفه غرفة النوم فتحتها اخشاب قديمه كالت عيني تره حنغير الاخشاب نجيب على ذوقج الي يعجبج انتي تختاري طلعت على السريع متحملت ظليت كاعده يم امي انغ بيها يلاااا كومي اريد ارجع
هيله........ اوكفي خلينه شويه عيب استونه كعدنه
روز........ تحجي بهمس عن لا ينتبهن كتلها كومي لتخليني ابجي هسه اشرت الأبويه طلعنه وهم هوه وصلنه وصلت للبيت عبالك احد خانگني كل ما اذكره اختنك مدا اطيقه مدا اطيقه كلت الا اطفشه مستحيل اخذه وتنسد علينه باب مدا اتحمل بعد خطرت ابالي فكره اهچچه بيهة كاعد ابويه وامي يسولفون كتله يابه عدي شروط ومن حقي زواجي الاول شيل وشمر ماريد اعيد نفس الغلط
ابو وليد...... اي بس عاد مو تعجيزيه
روز....... والله هاي شروطي قبل قبل مقبل بكيفه بعد اذا مانفذ واحد من شروطي اني مااتزوجه
ابو وليد....سمعيني شروطج ست روز مادري شنو تاليها وي حالج المايل
روز....... هوه رجال كبير وعده ولد وبنات واليوم زينين ويايه باجر ما اعرف شيصير وشفتني جنت ماخذه الصغير والشاب وطلعت صفر اريد اضمن مستقبلي
