مساء العافيه
في منتصف الرجوله
البارت التاسع
بقلمي.. حنين العلي
روز.... دفعته بكل قوتي وماحس الا فتح عيونه مثل الثور الهائج هجم عليه دفعته بيدي رجع على كنتور عدل نفسه سحبني من شعري بقوه لفه لف بين ايده وضربني راشدي فر وجهي فر ماهتميت ولانزلت دمعه من عيوني باوعتله بحقد وعيني بعينه ومابينت ضعفي كدامه شيريد يسوي خل يسوي منا وهيج ماسكت لان راح اعيش لخاطر ابني فقط
احمد...... وووولج من يمتى تتجررررأين وتددددفعيني بنت الكلب
روز....من اليوووووم سمعت من اليووووم
احمد....بسيطه ادللي انتي ميفيد وياااااج بس كسر الخشم واااابطن عيني ااااادللي ياااااروز
روز.....عافني وطلع مهتميتله عندي المهم ابني مرت الايام ومكضيتها بين التنظيف والطبخ والسوك احمد من ذاك اليوم بعد مايطلب مني شي غير ملابسه واكله ويوم الي يتعاركون وياه على مصرف لو شغله بينهم عبالك اني ام العركه يكلبن عليه حتى عمتي ويضلن يسمعن كلام على الصعده والنزله اذا اريد انزل اسمع كلام اشكال الجايفه الوصخه صارت براسنه مره تحلم تكعد بهيج بيت تحلم تاكل هيج اكل عبالك جابوني من الشارع وجنت اكل گواغد وهمه كعدوني بقصر و وكلوني غزلان وزوجوني ابنهم الامير اشو فخذ الدجاج يتقسم 5 وشابعه كتل من ابنهم ومذله جنت طبعي خوافه كلش والكلمه تخليني ارجف ومن اسمع هيج حجي حتى للتواليت بعد ما انزل مره اريد اغسل لسائد موصخ ويبجي وهنه اسمع عياطهن وصل سابع جار على احمد يحجن ويغلطن ممنطيهن مصرف وحده تحجي والثانيه تأيد واريد انزل والعركه ويه احمد مو ويايه على مصرف واني اريد انزل اخاف.
هناك واجه احمد على شغله وعبالك اجاني الانقاذ من السما كتله احمد الله جابك
احمد..... شبيج شصاير؟
روز..... اريد انزل واخاف
احمد..... من شنو خايفه متنزلين؟
روز...... اهلك يحجون وعبالك اني ام العركه واريد اغسل السائد خطيه يبجي
احمد..... والله مخبله انتي شدخلج؟ مشكله تخصني انتي شكو امشي نزلي اني وياج
روز... بس عادي تنتظر لحد ما خلص
احمد..... ادللي يابه
روز..... نزلت مسبعه بي غسلت السائد واني غسلت وصعدت اكل كلت اخاف يروح احمد واجوع لحد ميجي لليل الله كريم
وظليت هيج على هل وضع اكمل شغلي حيل حيل واصعد وكل حجايه اسمعها هالكبرها لحد ميصالح احمد وياهم اجر نفس
انخطبت وسن كلت ياالله عاد يبقن 2 بس الولد مموافقين على العريس كاعده اكنس بغرفتي طبت وسن
وسن....روز اريد احجي وياج
روز....اي تعالي تفضلي
وسن....... روز فدوه احجي ويه احمد يسمع كلامج قنعي يوافق ويقنع اخوتي
