مساء العافيه على عيون اجمل متابعين
في منتصف الرجوله
البارت الثالث والثلاثون
بقلمي... حنين العلي
(لا احد مر بأحداث قصتك.... لاتبرري غرابتها)
روز..... مشكور وماقصرت ويجي منك اكثر بس بالبيت ما اكعدلك بعد صعدت فوك وسديت الباب عليه فرفحت بجي كمت الم هدومي شيجي بيدي الم سمعته خابر على اخته الكبيره كلها تعاي هسه اريدج كلتله شكو اصاير كلها تعاي هسه وبعدين نحجي ماكو 10 دقايق جابها ابنها بسياره طبت شافت الطبله مگلوبه النفاضه مكسره هيه و الاستكان كاعد على تخم. وجهه مطعون احمر وبس يهز برجله وجكاره بحلكه
ام فهد...... شكو شبيكم ياستار كاتليلكم حيه بالبيت؟؟
رضا..... روز فوك اخذيها يمج ترتاح وبعدين اجي اخذها
ام فهد..... شكو شبيك شصاير متعاركين؟؟
رضا..... كلشي ماكو اخذيها يمج تهدء وبعدين نتحاجه
ام فهد..... وينها هيه؟
رضا..... فوك ماريدها تروح البيت اهلها لملمي السالفه واخذيها كوه لازم روحي
روز..... وكفت على الدرج واسمعهم صاحت روز. روز تعالي مابيه اصعد نزلتلها عيوني حمر من البجي وجهي احمر اصابيعه طابعه على خدي شافتني كالت ضربج؟؟ هزيت راسي وبجيت حضنتني كلتله
ام فهد........تحجي صدك ليش تضربها؟؟ موعيب هيه هاي الامانه اسوت وهيج تمد ايدك عليها ؟ شبيك على كلشي تعصب وتصير متشوف كدامك؟ ادري اصار شجرى جنتو شحلاتكم كومي ويايه لبسي عباتج وتعالي لاتبقين هنا
روز....... ماروح هسه اخابر ابويه يجي ياخذني
ام فهد...... لا عوفي رجال كبير ومريض يروح ينقهر،من وراكم عليمن كومي ويايه ويصير خير،
روز...... من قوه الضربه والبجي والصدمه الي متوقعتها منه راسي موتني و من هبطات احمد وسائد كام راسي اقل شي يوجعني وجع مو طبيعي لزمت راسي بوجع
ام فهد....شبيج شيوجعج يااا عيني متكلولي شجاكم
روز....... راسي موتني راح اموت عفيه
ام فهد..... كومي ويايه هناك براء،ومرت فهد غيري جو يمهن لاتقهرين بروحج ساعه شيطانيه وصارت كومي امي انتي لاتعاندين
روز.... هسه ابويه يجيني اروح يم امي لان صدك احتاجيت حظن امي هوه سمع هيج كال
رضا....... كووومي ويااااااها بساع وما اسمع منج نفس خليني متحمل وسااااااااكت
روز...... خفت منه اعرفه مخبل جابلي بيده العبايه ولبسني الشال والعبايه ويعدل بيه رفع اديه ثنينهم مسح دموعي وباسني من راسي
رضا...... شنو جواريب متلبسين؟
روز.... باوعته صفح
ام فهد...... يمعود قابل رايحه زياره هسه حخابر مقداد يجي بسياره من الباب للباب عليمن هالجواريب
