مساء المحبه على عيونكم الحلوه
في منتصف الرجوله
البارت الثاني والعشرون
بقلمي... حنين العلي
اعتذر جداااا منكم البارت قصير بس صار عندي ضرف وكتبت الاكدر عليه التمسولي العذر احبكم وايد 🥰
اسماء...... تعالي لجججج زماله غبيه
جواهر .... سمعت عطيتها اتصركعت كتلها خير شكو ؟
اسماء .... هذا مقداد العار ابن الكلب شعنده وياج ؟؟ حتى يظل راييييح جاي ويكعد يمنا ويباوع عليج !!!!
انتي عندج تواصل ويا وتحاجي مو ؟؟؟؟؟؟؟؟؟
جواهر........ انصدمت من كلامها ومن الموقف صعب هيج حوار بين ام وبتها وبذات المثل امي ايدها والضربه برغم كبرت وهيه ادمغ بيه
كلبي من الخوف وهلكد مايدك احسه حيطلع من مكانه المشكله الوحيدة والازلية اني ماعرف اجذب ابد على اي شخص وخاصه امي لو شما احاول ما اكدر اجذب عليها وتعرفني من نظرة عيني اذا جذبت بس هالمرة كلت اذا احجي الصدك اروح بيها ..
باوعت عليها استجمعت قوتي كلها و كوة احجي لان ارجف كلتلها هااا؟ انتي شدتحجين ؟؟؟
شجابني على مقداد حتى احجي ويا ؟
اعرفه يعرفني ؟ عفتي الدنيا كلها ولزكتيني بي ؟؟
تقربت مني وعينها تجدح نار بطرف اصبعها دكت على راسي تلاث مرات وكالت
اسماء...... شايفه هذا دماغج !! اليفكر بمقداد اطشره الج بمكانه اذا فكرتي بيوم بي او بأحد.من الكرايب .. ولتحاولين تلعبين بذيلج وياي !!
ياااااويلج اذا لزمتج عندج علاقه بي اندمج عالساعه الي انوووولدتي بيها وهااا خاف عباله ديكعد كدامي وديشوفج !! يحلم ياخذج وتحلمين تصيرين جنه لعمتج افتهمتي .. ويلا ولي مناااااااا ..
جواهر....... جاوبتها بتوتر شفايفي ترجف خوف وكلبي يدك سريع ماعندي شي وياااااه انتي حتى اليكعد يمج اطلعين بي عيب وسااااالفه اني شعليه بي اذا كعد يمج
اسماء......صدكتج!
جواهر....... ولتصدكين هوة انتي يايوم صدكتي بيه ؟؟ لوو ثقيتي بيه دومج تباوعين عليه وعبالك بنت شارع وكل الاكوله الج ميخش بعقلج شسويلج اني؟ الخلل بيج موبيه لان متثقين بيه
هذا العندي صدكتي صدكتي ماصدكتي شي راجعلج عفتها وكمت طبيت للغرفه جسمي كله يرجف اول مرة اكدر اردهه هيج بس لحتى ادافع عن نفسي لان اعرف لو حجيتلها الصدك تذبحني ..
فتحت تلفوني اول ما راسلت مقداد كتبتله ..
مقداد باوع امي شكت بينا من موقف اليوم من كعدت كدامي وظليت تسولف وياها وكلتلي كلام يغث حيل ماريد اضوجك وياي بس الاريدة منك لدزلي ابد الا اني ادزلك ولا اي مسج ابد ابد وبعد حجينه بليل ساعه وبس ؟؟جاوبني.
مقداد...... ليش شكو شصاير ؟
جواهر... ماعرف مقداد امي شاكه والاضرب منها تكلي اذا لزمتج تحجين ويا اموتج
مقداد... شعرفها انتي حجيتي لاحد قبل ؟؟
جواهر ... تريد الصراحة ؟
