مساء المحبه والسكينه على قلوبكم النقيه
في منتصف الرجوله
البارت العاشر
بقلمي. حنين الغلي
روز....احس سجينه وطعنتني بنص كلبي ضليت لا اخذ ولا انطي شسوي هسه ؟ لو مجايه احسن لو متحمله الضرب والاهاين والسب ومجايه افضلي محد يتحملني اعرف نفسيه اهلي شنو
هيله....لاتصفنين يجي ابوج ونشوف شنسوي ولو تعودنه عليج شهر يمهم وشهرين يمنه
روز.... اجه ابويه ونفس الشي ونفس الكلام طبعا شيصير لازم الحجي يوصل البيت جدي والمستشاره عمتي وكلهم ذموني وطلعت اني الغلطانه والغلط راكبني من راسي الساسي عافو الكتله والاهانه والاثار على الجسم وكسرت النفس ولزمو عليه هوه مو صالحج بالليل ليش طلعتي بقيت يومين كرهت روحي وكرهت كلشي وهذه يكول تحملي وهذه يكول اصبري وشوفي فلانه وشوفي فلتانه متحمله وساكته لميت هدومي واخذت ابني ورجعت اصعب شي من ارجع مكسوره شراح يخلصني من حجيهم شراح اسمع حجي طبعا ياخذون فتره گالبات الوجه لاكلام والا سلام يتأمرن عبالك خدامه واني اسكت واتحمل بقيت على هاذه المنوال شهر عد احمد شهرين عد اهلي انكتل انسحل انطرد وتالي ارجع اني برجلي الهم سائد كبر وصار عمره 3سنوات ويفتهم صاركل املي بي اشبره واكول هوه سندي وعزوتي جنت اكعده واشكيله البكلبي ولمن احجي واشكي يمسح دموعي بيده الصغيره وجنت اسره من اكله لتكول الأحد يكول لا بعد ابد ميحجي حتى الابوه
بيوم عمتي طببت عمال سوو الطرمه وغيرت باب البيت سوته ام النقشه وكله ورد فلازم الطرمه تنغسل جاب احمد صبغ وصبغ الباب كتلها عمه مراح اغسل الطرمه لان احمد صبغ الباب واخاف يصير مي عليه
ام احمد..... اي العصر ينشف عود وغسلي
روز..... جانت بلقيس يمنه حامل و وسن صار عدها بنيه و ايلاف المطلقه بعدها ماتزوجت طالعات يشترن ويتونسن وباقيه بس ايناس وجهال بلقيس للعصر عمتي كالت كومي غسلي الطرمه كتلها فدوه خليها باجر احمد نحس وهسه يكول ليش ناوشتو مي للباب ويعصب
ام احمد...... لا يابس من الصبح صبغه كومي غسلي خو ميبقه البيت خايس لباجر
روز..... حاولت اقنعها قفلت الا اغسله واكفه فوك راسي غسلت وكملت كالت
ام احمد.... هاي الشجره تعالي رشيها
روز..... مو قريبه على الباب خاف يوصله الماي
ام احمد..... رشي معليج
روز...... والله كاعده ارش طب احمد شافني ارش وهوه خنزر وشمر، الگرگ من ايده
احمد..... بت الكلب بت القندره ليش ترشين مو استوني صبغت الطااام عميه متشوووووووفين
روز...... امه خنست كتله والله معليه عمتي كلتلي رشي
