مساء المحبه على عيون احلى متابعين بالكون
في منتصف الرجوله
البارت السابع عشر
بقلمي.. حنين العلي
المحاميه..... ابو سائد وينك تأخرت علينه ؟
العفو اختي هذه التليفون صاحبه سوه حادث واذا تعرفين اهله. انطيهم خبر لان حالته كلش حرجه!
المحاميه.... كول غيرها زين شلون صار الحادث
اي والله دا احجي الصدك ضروري تخابرين اهله هوه اجه على دراجه طاير وسوه حادث ويه ابو گيه
المحاميه...... وهوه وين هسه
مودي للمستشفى اذا تعرفين اهله خابريهم
المحاميه..... لا اني محاميه و عدنه شغله وياه وخابرته يلا يلا مع السلامه
روز.... ابوعلها اريد اعرف شصاير التفت عليه تهز بيدها ولج احمد مسوي حادث وحالته حرجه احس كلبي وجعني كتلها عفيه شلون خو مامتأذي
المحاميه....... والله ما ادري هذه واحد شال تليفونه خاف علمود لايطلك سوه حادث مو اكلج يحبج وكلج اموت روحي وما طلك اووووف نيالج والله
روز......كلت بكلبي هذه هم حظي ويحسدوني عليه كتلها عفيه عود خابري وافتهمي وفهميني
المحاميه...... وانتي ماراح تخابري؟
روز..... وليش اخابره؟
المحاميه..... شوفي شبي مابي
روز..... لا انتي افتهمي وفهميني عفتها ورجعت للبيت تلكتني امي
هيله...... هاااا يمه بشري!
ابو وليد..... شنبشر هذه احمد من ديجي للمحكمه مسوي حادث
روز..... امي لطمت على صدرها وشهكت بسلاااا مااااات
ابو وليد....... شتعرفين العار يموت؟
هيله...... ولج هذه هم حظج ربج مرايدج تطلكين وتبقين طول العمر وياه شوف القسمه سبحان الله
روز.....عفتهم يحجون وطبيت للغرفه كلش مقهوره عليه مهما كان يبقه ابوه لابني واني من النوع ابتعد بس ماحقد ابد بقيت انتظر تليفون المحاميه على احر من الجمر لليل خابرتني كتلها ها بشري
المحاميه...... والله خابرته كلي اجيت للمحكمه على عمه عيني الليل كله ابجي
روز.... وصحته شلونها؟
المحاميه..... يعني رضوض وكسور، كسر، خاطري يكول مكابل صورها وابجي روز حبيبتي وطفلتي روز اخذتها طفله واني ربيتها تحملت اشكال من اهلي واني هم جرت عليها اني السبب وصلتها مرحله حتى ابنها الهوه التتنفسه متريده ومن جيت الصبح على دراجه تمنيت الموت والا انطق كلمه طلاك واني دعمت روحي حتى لا اجي
روز....وشگتيله؟
المحاميه.....كتله ابو سائد عيني الحجي مامنه فايده زوجتك متريدك الله يخليك اذا تكدر تعال باجر ظروري وفض القضيه وقنعته كوه يجي باجر يكلي اني مكسر كتله ميخالف منتاخر شغلت ساعه اقل وروح فباجر حيجي
