مسائكم معطر بعطر الورد والياسمين
في منتصف الرجوله
البارت الثامن
بقلمي. حنين العلي
روز...... شنو منو يزوج؟. وليش عمه شكاعد تحجين؟؟
سميه..... والله داك رجل يكول الأمه امشي خطبيلي وهيه متقبل كومي لمي هدومج وغراضج وامشي رجعي
هيله....... على بختج خيه ابوها ميقبل اذا اجه شكله هسه يحرگنه شلون خلي يجي وانتي احجي وياه وبعدين واذا تزوج استاذ احمد بتنه معززه مكرمه تنزعه مثل نزعه النعال
سميه ...... معليج عود اني اكله رجعتها لعد ينخرب بيتها احسن وهاي انتي العاقله هيج تحجين كدامها
روز.... لا عمه مارجع شنو رجعتي؟ ولا واحد بيهم قدرني واجه وراي وطيب خاطري بكلمه وشفتي احمد شلون ميريدني لا اني ولا ابنه؟
سميه..... شو سكتي لكتلها رجل وكالت اعور هاي النسوان اشكال تتحمل ذيج بت ام عامر هيه زفتله مراه بيدها وذيج بت ام طالب تتغده ماتتعشه ومتحمله وساكته لخاطر جهالها صيري مثلهن سباعيه ولمي بيتج ماعدنه مره مطلكه
روز..... ليش شبيها المطلقه؟ كافي تنضرولها بهل منضور البنات تطلك لان شايفه ضيم ومالكت الرجال الحوك والخيال تضطر تطلك شنو انتهت الدنيا من البدايه زواجي غلط وخطيتي برگبتگم كلكم
سميه.... هاي سوالف التلفزيون وبنات المدارس متمشي عدنه كومي لمي غراضج ورجعي لبيتج ورجلج احسلج وترى هوه من البدايه عافج يمنه فتره وقتيه بس احنه گلبناها طلايب عاد لاتعقديها
هيله.... لا سميه مالج حق اني مو وياج بهاي السالفه يعني عاجبج يعيب عليها ويشمرها اشهر مسأل عنها لا والله بنتي مترجع
سميه.... هيله انتي لا تدخلين بت اخونه احنه ادره بمصلحتها لو تضل عليج لسه معفنه عندج محد مكلبها
روز..... كامت عمتي لملمت غراضي وبدلت الأبني مريض وضعيف اسمر كلشي ميبقه ابطنه لان تقيأ واسهال سلمت على امي واخواتي وجابت عمتي التكسي احس برهبت يوم العرس ويمكن اقوه اريد اسيطر على كلبي ماكدر احسه راح يطلع من مكانه خوف رهبه مصير مجهول ما اعرف شنو اسمع وشنو اشوف دخلت للبيت اشو هذني من وره خشمهن يسلمن تصورت ياخذون بالاحضان ويتلكون ابنهم اشو هذوله عبالك كاتله ابوهم وحدتهم كوه اسلم من طرف خشمها
ام احمد.....لعد احمد وينه؟
روز.....ليش غير يمكم شعرفني بي
ام احمد....هسه قبل عشر دقائق اخذ اخوه وراح يرجعج شنو ما اجه وياج
روز.... من كالت هيج نعلت حظي الف مره واجيت اقتلها العمتي شنو هالحظ العندي الي خلاني اطلع وهوه جاي ورايه وشنو هاي الصدفه يعني هاي الايام كلها مااجه ويه ما جابتني عمتي طلع هوه وراي والله تمنيت ارجع البيتنه والا سامعه كلام عمتي كعدت تنطي حكم ومواعض
