مساء المحبه
في منتصف الرجوله
البارت الثلاثون
بقلمي.... حنين العلي
..
...
.....
روز...... بليلتها ماغمضتلي عين احس ملح ومرشوش بچفوني اريد ابني كرهت كلشي وكرهت بيتي وضعي وحتى روحي كرهتها
ثاني يوم نفس الوجع ودم هوايه يوكع عليه ضليت حايره ياربي شنو هاي مصايره عدي من قبل والألم ذبحني اريد اوكف ما اكدر شربت مسكن مفاد عقلي وتفكيري يم سائد وكلبي يبجي عليه دم ومنا وجع بطني خاربتني رهف كتلها على وضعي
رهف.....ولج شبيج خاف رجلج السبب لا تخلي يتقرب عليج بعد
روز......ماعرف بس كلش متأذايه
رهف......عزاااا بعيني هذه رجلج طلع ظيم الوكت بيج يااا عيني مردتج
روز.....رهف عفيه اسكتي عني وشوفيلي خبر عن ابني راح اموت تعرفين شنو راح اموت
رهف.....لا يكلبي اسم الله عليج وديري بالج على روحج مهما كان ابنج مسافر ومتونس لا ضلين تبجين ولا تخافين ماعليه
روز.....الله كريم روحي هسه شوفيلي الفيس بالكي ناشر شي وانتظر منج خبر عفيه ترى كاعده على نار فصلته منها نزلت دموعي كمت ابجي رضا جان طالع طب سمعني ابجي تخبل اجه عليه حضني بلهفه
رضا...... شبيج روز صاير شي من امس وضعج موعاجبني شبيج حبيبتي
روز......الألم موتني بطني توجعني
رضا..... امشي اوديج للمستشفى
روز.. لا ماريد بلكي اصير زينه
رضا......... شنو تصيرين زينه امشي تشوفج الدكتوره تنطيج علاج خو متبقين هيج
روز..... لا عفيه تلعب روحي من ريحه المستشفى هسه اخذ مسكن
رضا...... شتردين اجيبلج كليلي محتاجه شي
روز....... ماريد كلشي هسه حدفه واشرب شي دافي اصير زينه والله الالم البيه نفسي وجسدي محد يحس بي بس الله كمت اشرب مسكنات مالي واهس الكلشي رضا يشوفني اتوجع وابجي يهتم ويهون عليه ويضحك بس اعرفه ضايج لان بحساب توه عريس ومشاف كلشي حاول يضحكني و يبوس يحضن والله استوني غفيت واسمعه يصيح بتليفون جاااااي جااااااي لا تصرفون جااااي كمزت من مكاني بالي يم ابني كتله شصاير؟
رضا..... اخوي نبيل متخربط اني رايح اذا ردتي شي خابريني
روز..... انتظر اروح وياك
رضا..... لا لا ابقي اشوف الوضع واذا هاي ادزلج مقداد يجيبج ارتاحي
جواهر....... فتحت التلفون تلفوني محروك بالاتصالات عالخط وعالنت من عماتي وبنات عمي وحتى مسجات عالخط ركزت بمسج دازه مقداد الي ...مكتوب بي جووووواهرررررر عممممج ماااات .....
من الهبطة اني كاعدة عالجرباية كمت مفزوعه عمي نبيل مات ؟؟؟ ما بيوم سمعنه حسه مابيوم اذانه بكلمه مو حلوة ؟دوم مرته عازلته عنا ومنفهم عنهم شي مرته مكطعته عن كل كرايبه جان حتى بيبي مينزل عليها كل ست اشهر او سنة برغم ساكن وياها بطابق الثاني
نزلن دموعي بعده تراب خالي مانشف وماطلع حتى الثالث عمي يموت وفجأة ياترى شلون حال بيبتي هسه كمت ادور بالبيت اهلي ماكو باللحظه نسيت كلشي دكيت الباب على غرفه وسام وطبيت صحت عليه من بعيد..
وسام وسااااام اكعد يمعود
