مساء المحبه
في منتصف الرجوله
البارت الواحد والثلاثون
بقلمي... حنين العلي
جواهر...... اول مادخلنه لبيت جدي توهم مخلصين ريوك عماتي موجودات دخلنه للصالة اني وامي سلمنه عليهم .اجه عمي ابو زينب عصبي وعيونه تنط شرار عمتي ام فهد جانت كاعده تلكط خضره دفر صينيه الخضره الكدامها وعاط بيهة
ابو زينب............. انتي هييييي جميلة رجلج شعندةةةةة وي خوااااااانها لهاي المكبورة؟
ام فهد........ شعنده ؟؟. كلشي ماعنده بليتوا الرجال بلوة لوماا رجلي يخابرون عليه جان مرت اخوكم دفنته يله كلتلكم مات ..
ابو زينب.... ... بس اني شفته بيوم الفاتحه اخوها لازم رجلج ويحجي ويا لازم اكو شي واني لاااااازم ااااعرفه ااافتهمتي وبعدين اخوتها ليش يخابرونه اله الميت اخوه لو اخووووووونه
ام فهد .. ياااااااابه والله مااااااااعنده شي ويا وحتى لو حاجيله شي رجلي اصلا ميكلي ولا راااااااح يكلي لان ما راد يكسر فاتحتكم كل ما بالااااامر اخوتها اصدقائه كعدو وياه وسألوه
ابو زينب.......... چاااااا جذابة انتي تعرفين كلشي ؟
ام فهد ... احترم نفسك كاااااااعد تصيح وتعيط وفوكااااااها تكلي جذابه اختك الجبيرة وواجب عليك تحترمني وداكلك رجلي ماله علاقه ..
جواهر... صار مصايح بينهم بيبي بالنص تسكت بعمي وترضي بعمتي ..كمت من يمهم بس شفت عمتي انقهرت حيل اني رحت للمطبخ كاعدة والف كبه وياهم اجت عمتي للمطبخ تبجي ..
بسرعة كمت عليها ها عمه لا تبجين فدوه ليش مقهورة ؟
ام فهد ... شفتي عمج لا يحترم ولا يقدر عبالك المات بس اخو وهوة محروك كلبه عليه وبله رجلي بلوة وهوة لا حاجي ولا كايل وهسة مقداد من سمع مصايحنه يريد ياخذني ونرجع للبيت يكول اني وابويه واخويه الفاتحه كلها شلناها على ظهرنه تالي لا يحترمج ولا يحترم ابونه ..
جواهر ... اعرف بعمي عنده حقارة و زودها وياهم حيل لان يريد يسوي عركة بينهم ويكره ابويه اكثر بيهم لأن يعرف يريدوني من غيرته صار يدور حجج جاوبتها ميخالف عمه كلبه محروك على اخو ومات بين ايده ولتاخذين على خاطرج يجي ابويه وسولفيله ..
ام فهد ... ان شاء الله
جواهر...... رجعت اكمل وياهن عماتي جانن كاعدات وبنات عمي سمعنه صوت صياح قوي بغرفه الخطار ..
بين ماوصلنه الغرفه الخطار عمي رضا شايل الصوبة يريد يشمرها على راس عمي ابو زينب
ويعيط عليييه
رضاا...... ليششششش تعلي صوووووتك عليها اني طبيت من بره واسمع حسك تااااارس الشاااااارع وووولك هااااي اختك واكبر،منك شسوتلللك متلكي متستحي انته مااااااعندك ضمير حاااطها وتحااااسب بيها على شنووووو ..؟؟
