مساء العافيه
البارت الرابع
في منتصف الرجوله
بقلمي. حنين العلي
روز...... ضلن شادات ويايه شلون حللت بدون علم بلقيس الام جانت زينه بس هنه يحركنها عليه وحتى عمي زين ميدخل ابد
كملت شغلي من تنظيف وكنس والطرمه والحديقه يوميه تتنضف جنت احب انضفها احسها منفذ الي اشتم هوه واحاجي ربي مو هذه الجنت اتمناه واحلم بي موهذا طبيت للمطبخ شفت بلقيس تسوي بالغده كتلها ام علي اساعدج جانت تركب تبسي بيتنجان كلت خلي احاجيها وابادر بصلح متخوصره مجاوبتني ولا باوعت عليه كتلها ام علي تردين شي اني خلصت كالت لا من وره خشمه عفتها واريد اطلع
بلقيس....... متستحين انتي وامج؟؟ سويتن الفلم مال امج اخذتلج التحليل وانتي مطلعتي اخاف مشه على احمد الاغم ميمشي عليه ترى اوديج للشط وارجعج عطشانه
روز ....... اني ضليت مصدومه كتلها والله مو هيج واذا تردين امشي اليوم نروح احلل وداعت الي بطني كل الحجيته صار جان تكلي
بلقيس....... البطنج؟ بعده توه و كامت تحلف بيي روحي بابه روحي لاعبالج مشيتيها عليه وجايه تساعديني بطلي لواكه
روز ... صدك فشلت و تندمت حجيت وياها وين اروح لازم ما اصعد الا هنه يتغدن واغسل الاماعين وكلمن يدخل غرفته يلا اصعد تلفزيون متقبل عمتي اشغله الا من ينجمعون بالليل ضليت وحدي بالهول كاعده انتظر صار وكت الغده متت من الجوع واني ممتريكه هيه خبزه وجاي ونضفت وشغل ومغثه جعت كلش طلعت بلقيس من الغرفه تشحط بنعالها وتضحك نافخه روحها كالت
بلقيس...... بنات حبيباتي نتغده بالغرفه وحدنه اليوم عندي سالفه خاصه وياجن
روز ..تحجي وتباوعلي عرفتها متريدني وياهن زين اني اخاف امد ايدي واصب همه شيسون يقسمون الجدر بسفرطاسات يشيلون الاكل للولد حتى احمد كلمن حصته ويعرفون كلمن شيحب ياقطعه من الدجاجه يخلوها اله حتى التمن يتقسم زين الجدوره تقسمت وهنه صبن غده ضليت اني بلا اكل طبيت للمطبخ الجدوره امشمره على سنك فارغه
انتظرتهن من طبن للغرفه وسدن الباب كمت على السريع واخذت من حصص الولد من كل حصه شويه وخليته بخبزه وصعدتها فوك ضميتها جوه الجربايه ونزلت اركض كعدت بالهول انتظرهن لمن يكملن اغسل الاماعين شمرن الصينيه على الكاونتر غسلتها وكملت
شفتهن طبن للغرفه وسدن الباب صعدت ركض طلعت الاكل بس قفلت الباب اخاف يصعد واحد ويشوفني ويه كل لكمه اكلها دمعه تنزل واذكر اني شنو تمنيت وشنو لكيت ليش من جتي تخطب وخاصه من وكع الاختيار عليه سوت اخوها ماكو منه يطب محمل ويطلع محمل ونيال التاخذه خو هنه بلسم
اهلي سألو عليهم الولد يمدحون بي خوش ولد وميحبون يكعدون بالبيت شاغولين والام والبنات محد يعرف عنهم لان لايطبون على احد والا احد يطبلهم لا كرايب والا جيران الام جانت اضوج من الخطار تحسهم يتجسسون عليها ابنها الكبير محمد مزوج وحده محاميه وعده ولد متحجي وياه ومانعه حته اخوته يرحوله واذا شافو بشارع ميسلمون عليه قطعيه كلش
