مسائكم معطر بعطر الگاردينيا
في منتصف الرجوله
البارت السادس
بقلمي حنين العلي
بارت طويل لعيونكم الحلوه🥰
.....
............
...................
روز...... ثاني يوم نزلت الصبح دا اذب الزباله بسطله بره يم النخله والگه الحصه كلها بزباله عززززه اشيل هذه التمن و الطحين الزيت هذني الچياس اني الجبتهن من اهلي ليش هيج ذابين نعمه الله سكتت ماكتلهن ليش انتظرت احمد اجه كتله ترى اهلك ذبو الحصه الجبتها من بيت اهلي نزل الأمه عصبي اني وكفت على درج اتسمع ماهمني شيصير خل يصير لان صدك قهرني من ذابات النعمه بزبل
احمد...... مو خبصتي نفسج على اااالحصه ليش ذاااااابتها بزبل؟؟
ام احمد...... ها اشتغل الحجي تلگتگ وكلتلگ منتضرت ترتاح تاگلك لگمه هجامات بيوت ماصدگت
احمد..... عوزززوفج منها ليش شلعتي كلبي وخليتيني اجيبها اذااااا اذبيها بزبل؟
ام احمد...... والله جايبه مال شهر واحد وهيه صارلها 6اشهر عدنه ماگله شاربه امها ماگلفت روحها اجمعهن شسوي بي جايبتلي مال شهر،
بلقيس.... اشو اني من ازوجت جانت امي تجمعها الي سوده عليه وچملني فوگاها واشگال تحملني وانته مرتك جايبتلنه مال شهر واحد
روز ...... اني فوك اسمع واگرض بضافيري من الخوف
ام احمد..... شبعت امها من بيع الحصه كالت اشمرلهم مال شهر واحد مو احنه مضحك
احمد..... انعل ابو ااااالحصه اذا تفتحين حلگج بعد على حصه احررررررك البيت الحد ماااا اني انقلها
ام احمد.... وشوكت تنقلها؟
احمد..... بكيفي وعناااااااد بيج ماااااا انقلها
روز .... صاح روووز روووز نزلت اركض همزين موكعت على وجهي
احمد...... حظري الحمااااام واحمي العشه واحد يجي يرتاح يلگه بس الطلايب
روز .... هوه صعد كٱلمعتاد يقفل الباب عليه ماعرف شيسوي واني نزلت حظرت الحمام وكفت احمي حصته من العشه وجتي بلقيس تشحط بنعالها ونافخه روحها تحجي من طرف خشمها
بلقيس..... ارتاحيتي شيشتي علينه؟ لاعبالج بهاي تصرفاتج تاخذي الج والأهلج مثل مسون نسوان حموينج البعوره هذه حمودي غير يختلف متكدريله خوش
روز ...... مجاوبتها غلست عنها واكفه احمي العشه دفعتني بطرف ايدها كالت وخري اريد اسوي حليب جانو يوزعون حليب بالحصه وخرت على صفحه وكفت تحمي الحليب نزل تعشه وسبح صاحتله بلقيس
بلقيس...... تعال حمودي للغرفه عدنه حجايه وياك
روز...... كمل العشه وطب كال جيبي الجاي للغرفه وديتله الجاي
