مساء المحبه
في منتصف الرجوله
البارت التاسع والعشرون ب
بقلمي حنين العلي
بارت هديه بمناسبه وصول القصه 200الف وهم ماحبيت اشوفكم مقهورين بسبب القفله واعتذر اذا بي غلط او خربطه كتبته على عجله
روز........ 4 يوم من زواجي العصر جان طالع البيت اخته دزت عليه كلتله مسويه عشه تعال اخذه الك والمرتك لان عرسان لاطبخون وتعذبون نفسكم
كاعده منتظرته واجاني صوت اشعار من الفايبر طن طن طن هواي رسائل فتحت الجهاز وانصدم بالشفته شي مجان يخطر على بالي ابد ولا تخيلت بيوم يصير فتحت المحادثه من اختي نرمين دازتلي صور سائد بالمطار وعمته المريضه بصفه وابوه كاتب حبيبي ونور عيني الله وياك ترجع بسلامه وسائد يبجي
نرمين......روز سائد مسافر هذه المنشور ابوه مسوي وياه مشاركه والتعليقات كله الله وياك ودير بالك على روحك
روز...... والله لثواني حسيت كلبي وكف عن النبض وبروده سرت بجسمي ومكدرت احرك اي شي من جسمي وعيوني متتحرك بس.صافنه على الصوره اريد استوعب شنو منو ليش وين مدا اعرف فصلت عن كلشي هذه سائد اي سائد فززتني من صفنتي اختي ادك عليه شلته كوه احجي كتلها هاي شنو؟
نرمين........ ما اعرف طلع كدامي المنشور
روز....... اخاف مو هوه اخاف ديودعها عفيه تاكدي اروحلج فدوه
نرمين..... لا والله هوه ابوه مسوي مشاركه بالمنشور ويكله يابه سائد حبيبي ونور عيني عفتني وسافرت دير بالك على روحك
روز......... لا مستحيل مو هوه سائد ميعوفني ابني ميعوف حظن امه
نرمين......اعصابج فدوه لا تنجلطين لابد نفتهم السالفه اهدي يمعوده اني صوجي كتلج
روز..... زين اني لاعدي فيس لاعدي شي بس الفايبر من احصل خبر بني
نرمين......شربي مي لا يصير بيج شي و اني افتهملج السالفه واروحلج فدوه امسحي الصور ولا تبينين الرجلج خطيه شنو ذنبه توه عريس وتنكدين عليه تره ماله ذنب وانتي هم لتخلين بالج والا تبينين ماكو شي يجوز سفره وناسه
روز... سديته منها وكعت على ركبي سواها النذل الحقير وحتى يحرك كلبي سفره للخارج يعني خلص بعد ماشوف ابني سائد بعد ماشم ريحته ماسمع صوته مستحيل شنسه منه هذه تعب عمري صديقي وحبيبي ورفيق دربي جنت اشكيله كلشي يصير وياي معقوله دروبنه بعد ماتتلاكه وبعدت المسافات بينه صعب تفقد جزء منك ومن روحك شلون بس اريد اعرف شلون اكمل حياتي من دونه يااربي صبرني لو تاخذ عمري طاقتي خلصت جبتي عمري عيني عليه واكول تهون تالي هوه بديره واني بديره وكارهني؟
مسحت الصوره بس على عمه عيني وخليت الغصه بصدري كلت الهم اني اشيله وحدي ماريد اشيله همي وتوه فرحان خابرني
