مساء المحبه على عيون اجمل متابعين
#في منتصف الرجوله
البارت الثالث والعشرون
#بقلمي حنين العلي
بارت تعويض عن الفات يعادل ثلاثه بارتات 😁
8000كلمه
روز...... اتصلت بلقيس احس كلبي. نغزني خفت لا ابني بي شي فتحت الخط كتلها الوووو
بلقيس.... الو السلام عليكم شلونج ام سائد؟
روز..... وعليكم السلام هلو بيج ام علي
بلقيس....... شلونج شخبارج؟؟
روز....... بخير الحمد لله
بلقيس....... عدي عتاب وياج
روز..... على شنو؟؟
بلقيس....... ليش هيج احنه قابل غربه حتى اخر الناس نعرف؟.
روز.... على شنو وشنو التعرفي؟؟؟
بلقيس... طلاكچ من احمد
روز..... هالكلمه فتحت جروح كلبي وين رجعتني كتلها ليش مكايللكم كل هاي المده؟؟
بلقيس...... شتعرفين احمد يسولف جان اخو خيته هاي الشغله من زمان انلغت بحضورج
روز..... والمطلوب؟
بلقيس..... اصلا لو تشوفي صاير الكلب الوفي مال اخو الجبير ايهاب راعي نعمته يكله موت يموت
روز... حبابه لا تجيبيلي طاريه
بلقيس.... زين مسمعتي؟ امي توفت!
روز...... ما اعرف الاحساس الانتابني بوقتها حسيت احساس غريب محلو على صدمه بس كلمه موت رهبه سواء الشخص نعرفه او لا رجعتني ذاكرتي الذاك البيت العشت بي سنين عمري واول يوم الي خلتني اعجن لو جانت، تخليني اسجل حضور من الصبح قبل الكل لو من تجبرني اروح للسوك واعوف ابني يبجي لو من يجمعن ويضحكن على شكلي لان احمد يعيب لو من شگگ الدشاديش وخلاني افرفح جنت فرحانه بيهم لو مره زعلانه ورجعني توني صعدت الغرفتي حته الجنط ممفرغتها سوت روحها متخربطه وطلبولها الاسعاف وكلتلهم لو اني لو روز بلبيت وطلعت بنفس اللحضه الدخلت بيها رجعت لهلي . وابني يبجي يكلي مشتاق الابويه يتوسل بيه نبقه اخذته ورجعت لأهلي حتى مالحكت اصفي جنطي لان هيه متريدني ولوو ولووو ولوووو شنسه
كل هاي ذكرياتي التوجع اذكرتها واسمعها تحجي وتصيح الو الوووو روز وينج؟؟ كتلها البقيه بحياتج الله يرحمها
بلقيس........ حياتج الباقيه اجه احمد وسائد للفاتحه واستغربتج ماجيتي الجناين كلهن موجودات وانتي ماكو سألت سائد كتله امك وينها ليش مجتي؟؟ كلي عمه امي متجي ابيت جدي عايشه كتله ليش بيبيتك مريضه؟ كلي لا امي اطلكت لج روز انصدمت صدمه متتوقعيها صدمه طلاكج اقوه من موت امي ولا توقعت بيوم تسوينها وتطلكين عگب الشفتي
