مساء المحبه
في منتصف الرجوله
البارت الخامس عشر
بقلمي حنين العلي
روز.... وهسه شتردين
زهراء...... اني كلت لجهاد هذه مو تليفوني تليفون روز اروحلج فدوه ساعديني
روز.... عزااااا بعينج ليش هيج تسووووين اااااني شدخلني
زهراء..... اني اكلج مو هوه قبل مده اخذ تليفوني واني جبت تليفون بت اختي واراسل بدون ميدري فدوه روز اذا سألج كوليله تليفونج
روز.... انتي مخبله شي اكيد اني رافعه على اخوهم دعوه طلاك تردين اجيبيلي تهمه الله يخليج بكلشي اخدمج الا هاااااي
زهراء.... فدوه روز اروحلج فدوه تقبلين اطلك؟
روز.... والله اذا خايفه هيج شكو تراسلين ولمن هوه قبل فتره شايفج وماخذ تليفونج تكومين اجيبين تليفون بت اختج وتراسلين الله يخليج طلعيني من هاي السالفه وطبكت التليفون ماكو ربع ساعه واجتني رسايل من غير رقم مكتوب
الله يخليج روز بيتي راح ينهجم بس كولي لجهاد تليفونج ومعليج اني الزكها هوه يصدك بيه الله يخليج عدي جهال بداعت سائد بداعت ابنج طبعا رساله وره رساله واني ماجاوب تالي رحت على ابويه حجيتله كلت خل يكون عنده علم لا تورطني هاي ويلوموني ليش سكتي هوه سمع و تخبل
ابووليد..... هاي مخبله عاااااقله تريد تبليج ياااابه دا خااااابريلي رجلها خل اطيح حظهم
روز...... هوه رجلها لو عده عقل يفتح التليفون ويشوف الاسماء المكااااالمات اكيد يعرف المن
ابو وليد... اذا خابرتج انطينياها اني ارزلها
روز...... والله ثاني يوم العصر رقم غريب دك عليه شلته الو
جهاد..... شلونج ام سائد
روز..... اهلا منو؟
جهاد...... اني جهاد حماج زوج زهراء
روز...... اهلا شلونك ابو نور
جهاد..... مو عيب عليج روز ؟ مو خزي؟ طببتج بيتي وامنت بيج هيج اسوين تخلين تليفونج عد مرتي وتراسل صاحبج موعيب عليج متستحين ذبيتي تهمه على اخويه حتى تكودين براحتج وكواداتج اذبيها براس مرتي
روز.... غديت نار من كلاااااامه كتله يااااامتستحي يااااا ادب سز والله العيب عليك وعلى مرررتك طاااااح حظك يا اااثور لو براااااااسك عقل افتح التليفون وشوف الاسماااااء البي والمكاااااالمات المن ولو اكلك اصبرلي اني راااااح ادزلك واسمعك كلااااام مرتك مسجلته ماحس غير زهراء اخذت التليفون من ايده جان تكلي
زهراء....... ماكو داااااعي للانكار روز كوووولي التليفون اااالج ليش تبليني بي
روز...... حسبي الله ونعم الوووووكيل عساااااها بعااااااافيتج وبسترج اصبرولي اني اعلمكم روز منو عبالج . روز تسكت الا افضحج مثل مافضحتيني يااااا ساقطه خاااتينه رجلها وتذبها براسي طبكت التليفون وجسمي يرجف دزيتله المخابره مال مرته لان مسجلتها وكل الرسايل حجيت لاهلي صح اني جبيره بس كلشي يصير وياي احجيلهم عودوني هيج بحياتي ماخذت قرار وحدي جان الكل يدخل بس قرار طلكي اني مسؤوله عنه ومقتنعه قناعه تامه
