مساء المحبه والطيبه على قلوبكم الجميله
في منتصف الرجوله
البارت الرابع عشر
بقلمي. حنين العلي
سائد...... اني مو صغير تره اعرف كلشي وشفت كلشي
روز..... جاووبته بقلق وتوتر شنووو شفت؟؟
سائد...... الي بتليفونه ومو بس هيج!
روز.... شنوووو احجي لاااااا تخبلني شنوووو المو بس هيج ابووووك حااول وياك؟ شنوو.گولي لاتسكت فقدت كمت اصيح ابوووك سوااااالك شي امي حبيبي احجييلي ؟
سائد......يمه موهيج اعصابج حبيبتي
روز..... لعد شنو ااااحجي يمه ارووووحلك فدوه
.
سائد....... اصدقائي يكلولي سائد ابوك يركض وره الولد الحلوين ويجيكم الصبح سكران
روز..... انصدمت شحجي وشكول وشبرر ابني موصغير مراهق ويفتهم كتله لا حبيبي يكذبون ابوك موهيج حبيبي انته معليكم بكلامهم ابوك احسن اب بالدنيا
سائد..... اني كبير وافتهم كلشي انتي حياتج ويه ابويه جحيم واعرف متحمله لخاطري كافي تحملتي هواي واني كبرت ماكو داعي تضحين اكثر علمودي شوفي حياتج بعيد عن ابويه واني باجر راح اطلع اشتغل عد حلاق عاجبني اتعلم مهنه واصرف على نفسي منها لا تفكرين بيه انتي مخلفه رجال
روز....صفنت معقوله هذه سائد الدا يحجي وياي؟ سائد الجان قطعه لحم؟ سائد التحملت كلشي لخاطره؟ اندهشت من كلامه وطريقه تفكيره فعلا اني خلفت رجال كتله بس اذا اروح اخذك ويايه
سائد..... لا ما اجي ابقه هنا
روز......لا مستحيل اعيش بدونك امي انته سائد انته تعرف شنو بالنسبه الي لو متعرف؟ امي حبيبي انته الدنيا بكبرها بدونك متعنيلي شي
سائد.......اعرف و راحتج اشتريها بكنوز الدنيا و اذا رحت وياج ابويه مينطينه مصرف وانتي ماعدج وبيت جدي صغير واعرف ميريدوني وياج
روز..... لا حبيبي يحبوك ليش ميردوك لاتحجي هيج
سائد....... اعرف يحبوني بس جدو رجال جبير وخالو بحاله وماريد شخص يصرف عليه واني هنا متعلم على اصدقائي وغصب على ابويه يعيشني وانتي تعرفي وياي ميقصر بس يشوفج ممجوده ميعوفني ويهتم بأمري
روز....... احس سجاجين وبكلبي تضرب ابني ذاك اليوم جان صغير ذاك اليوم اشبره بيدي جنت مثل البزونه اخلي بحضني وانهزم بي تحملت الضيم والضلايم لعيونه شلون هسه صار كبير ويفتهم شوكت؟ وشلون كبر بهالسرعه؟زين شلون اكدر اعوفه اني اذا انام ينام بصفي اكل اشرب اضحك ابجي اطلع اطب هوه ويايه ااااااااااخ كلبي حظنته حييل وابجي من كل كلبي حظنته ونيمته بحضني واشمه ما اكدر ما اكدر محد يحس بيه بقيت حاظنته اريد اشبع منه اليوم اخر يوم اخلصه وياه للمغرب واجه احمد ممتعوده عليه يجي بهيج وكت كتله ها اليوم من وكت
