مساء الحب على عيونكم الحلوه
في منتصف الرجوله
البارت السابع
بقلمي حنين العلي
......*
.............*
................*
....................*
روز..... هوه مو ميريدني وميريد ابنه اني راح اخلصه ويرتاح من عدنه طفرت من مكاني بسرعه صعدت نص الدرج وكمزت للگاع امي وابويه تخبلو امي كامت تلطم وتبجي وابويه رزل عمتي
ابو وليد....... انتي متستحين موعيب عليج من سمعتي هيج كلام كولي الي الأمها تجين تحجين كدامها وهيه حامل تهيجيها زين هوه مخبل انتي شبيج؟ صغيره زعطوطه؟ وجايه تغميها وتحجين حجي ماصخ مستحيتي لو صاير بيها شي منو يفيدني
روز...... ما اعرف هذه الجاهل يمكن اله خبزه ومجلب بدنيا واني رغم كل المصايب المريت بيها وگلبت السياره وهسه وكعت الدرج هذه الجاهل مجلب كلامه ضل بكلبي يدك كل ماذكره اطب للحمام وابجي لحد ماتنشف دموعي واطلع ومن هذا اليوم محد گام يجيب سيرت احمد والا نسمع سيرته امي كالت اني اشتريلج رهف تجيبلي هل تكدر عليه نرمين حامل ويايه تجي خطار تبجي على حالي اخواتي البنات ومرت اخويه مصبراتني امي كامت تاخذني دكتوره بمجمع هيج كل اسبوع اسبوعين محد من عيالي اجه لو سأل لو دك الباب
دخلت شهري والاوضاع تسوء يوم بعد يوم كل شويه نسمع هذه نكتل هذه نذبح هذه لگو بالزبل مشمور هذه خطفوه هذه امثلين بجثته الامريكان يفترون ناس تهلهل وناس تصفك وناس توزع جگليت مو هذه العراق الجان والاهيج جان جنه انام بيوتنه بيبانه مفتوحه هسه بس نسمع صوت الطلق هرج الدنيا والسمه تصير حمره من الخراب السببوه
تعايشت وي الوضع و بيوم عمتي سميه يمنه وكاعدين نتفرج على التلفزيون وجان تطلع اغنية ظالم ظالم ظالم حبيبي اكبر ظالم كلبي الرقيق المسكين بيدك وكع ياظالم قسوتك هدت حيلي مجروح اساهر ليلي مال رضا العبد الله واني جروحي انفتحت ماحس الا دموعي عشره عشره واشهك كامت عمتي حضنتني
سميه ...... كافي يمه والله موزين عليج ولج الحامل ميصير، تنقهر، هسه يشوف ابنه ويتغير لاتقهرين هاي النسوان تزعل سنين وترجع وتصير سوالف وتتندمين هيج سويتي بروحج اشبعي من اهلج ونسه ونوم الا يوم يجي يرجعج وتنسين الصار
روز...... يعني يدعي عليه وعلى ابنه قبل ليشوفه؟ وترديني مانقهر عمه اني من يوم الطبيت بيته مارتاحيت
سميه...... من فرفحت روحه اجه ومنطوج اله وانتي رحتي شوطت گلبه مريتي من يمه شتردي يحجي ميخالف يمه الله كريم وهذه المصخم منين طلعنه ويغني ظالم مظالم
روز....... ضحكت على كلامها كامت طفت التلفزيون وجابتلي خياره عليها ملح كالت اكليها دخلت بشهري ومجهزه كلشي وامي توصي
هيله..... يمه لجيبين بالليل دخيلج حضر وين نروح وين ااخذج
روز.... ليش هيه بگيفي الله يسهل عود
