مساء المحبه
في منتصف الرجوله
البارت الرابع والعشرون
بقلمي... حنين العلي
وانه حتـئ اشـفافي ترجـف مـن اذكرك !
سـنبله يمـشـطها ريح
ارد اعلمـك سـر كتلنـي !
واااااخ يا سـر المـحبه شگد وكيح
الشـوگ يلتـم ويذلنـي شـما ردت ذكرك ازيح
مقداد ... خلصت عالسريع شغلي ورحت للكنتور داخذ ملابسي حتى اسبح والكا بي ملابس داخليه نسائية وملابسي الي بالكنتور مبلله؟؟؟؟؟؟
جواهر ... مصدومة من كلامه جاوبته بسرعه شنو ملابس نسائية داخليه ؟؟؟
مقداد... اييي والله شبيج بس اني هم ما سكتت جبت امي من ايدها وكتلهاااا شوفي بعيونج !!
ام فهد ... صخام هاي منو مخلي هيج ؟ لا وانوب ملابسك مبلله شو خلي اقره قياساتهن !! لك يمة هاي قياسات صغار وماكو غير بنت خالك فاطمه وامهن مسوياتها اني الهن حاخذهن باجر اروح وانعل والديهن سقوطهن لهل درجة وصل ويرشن سحورة انوب لا اب بي حظ ويعرف يربي حتى نشكيله ولا ام ضابه بناتها هي ساقطة وبناتها اسقط ..
مقداد... يعني شحجي وشكول الساقطات ... ممسويه سوايتهن بكل عين صفله يخلن چرودهن وي اهدومي ويرشن سحورتهن على هدومي الزمي بنات اخوج وضبيهن ووخريهن عن طريقي لا اوخرهن بطريقتي الف مرة حذرت المرة الجايه ماسكت !!
جواهر ... عزة بعينهن لا شرف ولا مستحه شلون عيون صلفه اكو واحد يخلي ملابس داخليه هنا بس هنة متقصدات دام ملابسك متبللة ..
مقداد.... اي اعرف قصدهم شنو واني باجر ام صديقي علوية رايح الها واكللها بالصار واشوفها شتكول ..
جواهر ... اي احسن ليش تخلي بالك ..
راح واني ظليت افكر اكول بكدي ونفس العمر بس الفرق شكد شاسع اني شكد اخاف الله وديانه وتعيسه بحياتي وهية حقارة ونذالة ويوميه وية واحد والسعادة تهل من عيونهن
ثاني يوم دزلي مقداد عالصار..
ايي شصار كول؟؟
مقداد ... راحت امي لبيت بيبي وصاعده لبيتهم فوك ابوهن طالع بس هي وبناتها وكايلتلهن ..
ام فهد .... انتن متستحن على روحجن انتي وبنتج ؟؟
فاطمه... شبيج عمه تتهجمين علينه شسوينالج ؟
ام فهد ... ياعيني راح ابجي من الفقارية مالتج شمسوية مووو البارحه تتموعين كدام ابني ولابسه القصير والعدسات وتخابرين كوادج كدامه وتكولين شمسوين لا وفوكاها مخليه ملابسج الداخلية بكنتوره وراشه على ملابسه من سحورة امج لج انتي ماستحيتي ماخجلتي انتي وامج شنو من بشر ماعدج كرامة حتى ملابسجن الداخليه تذبنها علينه وشمرتهن بوجهه
.
فاطمة ... لا عمه ذني موالي الملابس،
ام فهد ... مو الج شلته من الكاع مو الج ؟؟؟ وهذا قياسج عبالج ماعرف لو غشيمة اسمعيني زين وجريتها من ايدها شايفه مقداد ؟؟؟ نجوم السما اقربلج منه تحلمين تصيرين اله مرة عبالج دترجعي بسحورتج انتي وامج لا والله مو بكيفج ولا بكيف امج !! صيري ادمية وروحي اتزوجي خلي كوادج يخطبج وخلصيني منج ومن شرج وانتي امهااا شوية ضبي شرفج وشرف بناتج لا تصير موزينه وياجن واوصللها لأخوية رضا وهوه يعرف يداويچن ..
عفتهن ونزلت ..
