مساء المحبه على عيون احلى متابعين
في منتصف الرجوله
البارت التاسع عشر
بقلمي.... حنين العلي
اسفه على تأخير الصار لكن خارج عن أرادتي جنت مشغوله وهواي امور عندي موتمام وسرقت الوقت سرقه وكتبتلكم البارت لكن الفاجئني ايدي اخذت وحدث يجر حدث وصار بارت كلش طويل
اتركم مع طيب المتابعه......
روز.... طلعت اركض للطرمه اكو جليگان نفط يم سطله الزبل مخلي فتحته وكع مني ثكيل اطشر النفط على ملابسي رجعت بحركه سريعه ركض للمطبخ حتى ااخذ الجداحه تلكاني ابوي جرني من شعري لطرمه ولزمني راشديات بثنين اديه اريد افتح عيوني ماكدر غوشت من الضرب بس اسمع صوت امي تبجي وتصيح تحاول تخلصني منه طاحلي ادفر ابطني بضهري
هيله.... ياااااعاالم رااااح يموتها لبنتي يافاطمه الزهرااااء اريد بنيتي منج عووووفها موتتهااااا شبيك تخبلت عليهااااااا شبيك
روز... شعري انفتح لفه على طوله بيده گطعه احس جذور شعري نشلعت من مكانها روحي شاغت من الألم دفعته بحركه سريعه وركضت للمطبخ كلشي صار بلحضه مثل رمشت العين اخذت الجداحه شغلتها وذبيتها على طرف دشداشتي ماحسيت غير واحد لفني بشي ثخين وشالني هنا فقدت مادري بالدنيا طشت رشت بس اشوف ابني بين عيوني
فتحت عيني نايمه ابيت ابو وسام وامي يمي تبجي وام وسام تصب جاي جواهر واكفه بزاويه الغرفه مخترعه بديت استوعب الصار الموقف شلون صار ريحه النفط خلتني استوعب اني شسويت؟؟ معقوله؟شلون هيج سويت ابني مافكرت بي؟ عدلت كعدتي امي انتبهتلي
هيله... ليش هيج يمه تسوين ليش؟ هاااي انتي العاقله ام روح الطويله ليش يااايمه مثل ماكلبج محروك على ابنج كلبي هم محروك عليج
روز..... ماريد اسمع ملامه خابريلي رهف تجي تاخذني بعدني احجي طب وسام
وسام..... ام سائد اذا ماعندج مانع ابوي وعمي يردون يحجون وياج
روز..... هزيت راسي برضه انطتني جواهر حجاب من يمها لبسته وعدلت كعدتي طبو سلمو ابو وسام سلم وكعد وشيخ رضا بقه واكف مرجع اديه ثنينهم وره ضهره وعينه عليه وحجه
شيخ رضا.... ليش هيج سويتي؟؟؟
روز..... سكتت بس دمعتي نزلت امي جاوبته
هيله..... والله ياشيخ بنتي اليوم ماتت والله كتبلها عمر جديد لو مامتلاحگها انته چا ابو ليد عافها تجمر ولا تچيس كلبه
شيخ رضا..... الصار مايرضي الله قبل عباده وانتي مو جاهله مراة راكزه وعاقله تفتهمين الصح من الغلط ماتوقعتها منج ابد
هيله.... يا شيخنه اني داخله على الله وعليك تحجي وي ابوها يتركها بحالها لا يصير هوه والوكت عليها
شيخ رضا.... شعنده وياها؟
روز..... جاوبته بصوت مبحوح كتله ضرب ابني حجيتها وخنكتني العبره حتى ماكملتها دموعي نزلت صفن بوجهي بحيره وتعب
