مساء المحبه والعافيه على عيون احلى متابعين بالكون
في منتصف الرجوله
البارت الثالث عشر
بقلمي.. حنين العلي
مقداد...... اطب جوه لا اكلب المطبخ على راسها خلك الله تارسه البيت وهااي المتستحي تعرض بروحهااا وين خااالي عنها
ام فهد...... عوفيهن عمه اني اكمل وانتي روحي جوه يم البنات
جواهر..... ردتهه من الله لان انقهرت كلش منه
عفتهم وطبيت بس مبجيت اتحملت كوة مانزلت دمعتي منه ومن صوته العالي ضميتهه بكلبي حقدت عليه وهوة شنو اصلا ديجي يرزلني!؟بصفته شنو ؟
خلصت حفله الحنه واني عازله نفسي عن الكل وكل واحد رجع لبيته ماعدا بنات عمي عبير وفاطمه بقن باتن يمهم تفاجأت شلون امهن تبقين وتقبل ينامن بغير بيتهم !
صار ثاني يوم وهوة يوم الزفه جهزنه روحنه وصلنه الهم وكت الغدة اول مانزلت من السياره الشارع متروس زلم وضباط لان زوج عمتي ابو فهد ضابط ردت اطب مقداد واكف بالباب يحجي وي اخوه العريس وبيده جكاره من شافنه ذبها داس عليها وتلگه ابوي
مقداد.... ياااهلا بخالي، شلونك؟ ليش تأخرت غير انته الخال واليوم عرس ابن اختك كون اول العالم تحظر
ابو وسام..... والله ياا خالي هااي جيتي من الدوام كبل بدلت وجبت اهلي واجيت
جواهر...... عفناهم يسولفون وطبينه اني وامي يم النسوان البيت هوسه ومتروس شباب وبنات وكلها تركص سوه وفاطمه وعبير مامخليات مكياج ماحاطاته على وجهن والفساتين قصيره ويگمزن ويركصن بدون اي خجل ويسولفن ويشاقن وي ولد عمتي وسام كيف على وضعيه اباوعله يفتر، وره البنات ويتمضحك
تغدينه وبعد الغدة نطلع نجيب العروس لان هي بمحافظة ثانيه عالغدة كاعدين تونه دناكل
جان يطب مقداد شاف بنت عمي فاطمه جان يكللها
مقداد .. انتي هي يل جگمه گومي اني اريد اكل لدسوين بالاكل زايد
فاطمه.... هذه الاكل مكوم ما اجيت الا عليه
مقداد..... بس سويلي مجال شويه خل اكعد
جواهر.... بقيت مدنكه مارفعت عيني عليهم ابد بس مركزه وي كلامهم واضح اكو علاقه بينهم مصدومه شلون هيج عدهن جرائه يتقربن من الشباب وضحك وسوالف اشوف الموضوع كلش جبير
خلصنه الغدة رحنه للزفه وجابو العروس زفوهم للغرفه طلعت للطرمه احضر حذائي حتى نرجع لبيتنه شفت فاطمه ومقداد يحجون بهمس بالحديقه رجعت طبيت جوه ادور، على امي بنص الهوسه النسوان كلها مخبوصه الي، دور، عباتها والي تحضر، بعشه تاخذه وياها رجعنه لبيتنه اول ماطبيت بعدني اغير، ملابسي، بالحمام صاحلي القذر،
وساام.... وووووينج انعاله هيييييي وطرررش مسمعين
جواهر..... شتريد شكو هل صياااح
