مساء المحبه على عيون احلى متابعين
في منتصف الرجوله
البارت السادس عشر
بقلمي.. حنين العلي
جواهر..... من دفعته ماعرف شلون شهكت ودخل الدنبوس كله لاكدر ابلعه ولا اكدر اطلعه وفوكاها طويل بحلكي !! صار ببلاعيمي جمدت بمكاني ماعرف شوصف شعوري اطراف ايدي ورجلي خدرن وجهي ازرك ماكدر احجي اختنكت وبس دموعي تنزل انتبه عليه ائشر بأصبعي ع حلكي وابجي
وسام ..... شبيج ؟
جواهر..... ائشرتله على حلگي وابجي ماكدر اجر نفس يچگني تقرب منه ائشرلته على دنبوس الي على ميز فتح عيونه على وسعهن وطلعني لباب الغرفه ووصلت للمسلك صار يعيط عالكل ع امي واختي ورجلها
وسام ....... تعااااالو جوااااهر شهكت باااالدنبوووس وهسة بحلكهااااا
جواهر...... بهلأثناء همة يحجون اني وكعت ع ركباتي بعد ماتحمل احس روحي راحت يچككني حيل ويأذيني وماكدر ابلع ريكي ولا احجي اجت اختي وامي يتراكضون عليه ويضربون بظهري ويفركون بصدري نزعوني شالي وماكو فايدة
اسماء...... اخذي نفس يمه تنفسي لا تموتين ياااربي سترك دومج فاهيه اكو وحده تخلي الدنبوس بحلگها شكم مره كتلج بطلي هاي الحاله
جواهر...... يفرگون بايدي انتهيت حتى مابيه افتح عيوني بعد احس روحي لعابة بيدهم اختنكت اريد الهوه وكل ماسحب نفس يچكني يخليني اجمد بمكاني
بسرعة رجل اختي شغل السياره اخذوني اني وامي والي ميتسمى اخوية صار يمشي بسرعه طول الطريق اني دموعي تجري صارت النص ساعه عبالك قرن عليه عيوني تباوع بالفراغ وماعرف شنو حيسويلي والچك كلش يأذيني لدرجة ماكدر ابلع ريكي واتشاهدت على روحي .. وصلنه للمستشفى بسرعة لباب الطوارئ انوب اكراد وكوة يفهمون علينا شافو حالتي يرثى لها كبل للاشعة ومن بعدها لتحاليل واتصلو بالجراح حتى يجي يرفعو الي ولازم اظل يمهم عالاوكسجين ٢٤ ساعه لموعد العملية اني سمعت بيها عمليه لو عبالك نضربت ع راسي انوب كمت ابجي بالزايد وبس اهز براسي بمعنى لا لا طلعوني كوة يصبرون بيه لان من نوع خوافه كلش لدرجة اخاف حيل حتى من الابرة وصلنه للتحاليل وسحبو مني دم وطلعت الاشعه وشافو الدنبوس وين متركز قريب عالقصبه الهوائية بهالاثناء واثار الخوف وانو شي غريب طب لجسمي واتحسس منه صارت نفسي تلعب وبديت اتقيأ و جاان يطلع ويا الدنبوس بحيث صدمة امي وزوج اختي من الفرحة معرفو شيسوون لان شبه انتهيت واحنه ببلاد الغربه وحدنه ف الحمدلله الله لطف بيه طبعا الخوف جان يقرة الف عدهم لان ابوية مجان ويانه ولو يعرف جان حار شسوة بينه
ومشت الايام طبيعيه وتشبهه بعضها لحد مره تقريبا الفجر اسمع صوت بجي يم راسي !! فتحت عيوني واشوف امي كاعدة فزيت كبل ها شكو ياستار جان تكلي
اسماء...... ولج يمه خالج توفه اخوي راااااح
جواهر...... هنا انصدمت ماعرف شنو الاسوي لا اخذ ولا انطي مصدومة امي لبست بسرعه واخذها ابوية وراحو للجنازة وتبقى هناك .. بقيت وحدي بالبيت هذاك العار بالاقسام الداخلية .. واني وحدي مصدومة دمعه منزلت مني ماعرف لشوكت ظليت ع هالحال ..
