مساء المحبه والعافيه على اجمل متابعين بالكون في منتصف الرجوله
البارت الثاني عشر
بقلمي.. حنين العلي
روز..... اول مافتت بالفراع شفت سيارات هواي اباب اهلي وزلم. ملتمه من ضمنهم شيخ رضا مسحت دموعي ولفيت نفسي بعباتي وطبيت بسرعه سائد بقه بره يمهم طبيت امي واكفه على طباخ تشخل بالچاي وحوراء تحضر الاستكاين بالصواني كتلهن خير شصاير
حوراء.... ولج مصيبه بتهم مهزومه
هيله.....حوراء يمه عيب النسوان تسمع فشله
روز..... شكوو شصاير يااااانسوان منو هاااي المهزومه.؟؟
هيله...... تردن تفضحني سون ارواحلجن ماتدرن بعدين افهمج هسه طبي سلمي عليهن
روز..... غير اعرف منو هنه حتى اسلم
حوراء...... شيخ رضا مرت اخوه هنا وبنتها
روز..... ذبيت عباتي وطبيت لكيت مرت خالد ام وسام وبنتها شايفتها من قبل سلمت عليهن وكعدت يمهن وجوهن صفره ويلوبن ماعرف شكوو بس الضاهر اكو مصيبه وحده تباوع بوجهه الثانيه حسيت بملل كمت يم حوراء بالمطبخ جريتها على كتر كتلها تعالي فهميني شصاير
حوراء...... والله ماعرف وليد وعمي ميقبلون يحجون بس الفهمته بنت اخوه لشيخ رضا مهزومه
روز..... عزاااا منو بيهن بسلا اليتيمه
حوراء..... اي يمكن هيه هچت من ضيم ابوها
روز...... لعد شعدهم يمنه همه ونسوانهم
حوراء..... يدورون بيوت ابغداد بعد ميرجعون للبصره يگولون هناك انفضحنه بعد مالنه رجعه
روز..... خطيه تجهولو ادري هاي وين عقلها وتصخم وجوهه اهلها هيج خل اروح يمهن افتهم السالفه
جواهر...... رجعت من الدوام وشفت الهوسه ابيت اهلي مقبلو يحجولي بس العرفته زينب بت عمي حميد مهزومه لبغداد وعمامي مخبوصين عمي رضا تليفونه مانزل من اذانه ودز ناس يدورون عليها بالبصره مالها اثر فقررو ميبقون بالمنطقه لان العالم والجوارين كلها عرفت بسرعه بسرعه طلعنه بملابسنه البسيهن عمي رضا كال بعدين نرجع ناخذ الغراض طلعنه من البصره لبغداد لبيت ابن عمه لأابويه ابو وليد وصلنه البيتهم تلگتنه امهم مره جبيره حبابه وجنتهم بقينه يمهم لليل وابوي وعمي بقو يدورون على زينب
روز..... بقيت يم اهلي ماكدرت احجي لان الوقت مومناسب وخطار يمهم ومخبوصين بهاي الابنيه المهزومه لليل وطب شيخ رضا
شيخ رضا..... الله بالخير يابه.... خويه احنه نترخص تعبناكم ونسوانه اليوم يضلن يمكم بين مادبر بيت راح نثگل عليكم شويه
ابو وليد..... تحجي صدك عين غطه وعين افراش حجيتها هالمره بعد لاتعيدها شسالفه ياااخويه متگلي
