مساء العافيه على عيون اجمل متابعين
في، منتصف الرجوله
بقلمي حنين العلي
البارت الخامس والثلاثون
جواهر..... عمتي ادك واسده عمي يدك ويسده
التلفون انخبص منعرف عليمن نجاوب
ركضت انطيته لأبوية
فتح خط اجه صوت عمتي ام فهد ...
الحك امييييي انتهتتتتتتت
بسرعة ابوية اخذ السويج وطلع لنص الطريق اتصالات هوة وياهم ولحكهم للمستشفى لان مالحكلهم للبيت اول ما وصل
ابو وسام ... احجولي شصار عفتها مثل الوردة والكل فرحان بيها شبيها كلوليييي
ام فهد ... تحجي وتبجي مو كدامك تغدينه سوة والكل راح لبيته ماكو اول ماطلعت بسرعه صاحت اختنكت طلعوووني برة اريد هوة طلعوووني الكل التم عليها طلعناها برة هنا انتهت متتنفس اول ما صارت هيج خابرناك وطلعنه بيها للمستشفى
ابو وسام ... وهسة الدكاترة شيكولون ..
ام فهد .... وضعها حرج حيل والدكاترة يكولون لازم السوائل الي بجسمها تنزل وانت شوفه عينك لا تكدر تكوم ولا تكعد ولا حتى تنام بس تون من الوجع والكيس حتى ينزل الادرار ينترس ونفس الوضع الورم مديروح من جسمها
ابو وسام ... ادعولها الله يرحم بحالها
ام فهد ... الله يرحم بحالها ويرجعها النه سالمة .
روز.... روز طلعت من بيتي ونفس المشهد انعاد عليه بحذافيره عبالك الدنيا دارت بيه ورجعتني للنقطه البديت منها بس روز ثانيه روز قويه مو مهزوزه مو مكسوره روز راح تعرف تاخذ حقها لان شنو الي تخسره اكثر من الي خسرته وصلت البيت اهلي وخاله الجنط اباوع على ملابسي هوااي كتلها الأمي الجنط كبار وانتو غرفه وحده حخابر رهف تجي تاخذني حته اخلي الجنط بغرفه بتها جنت احس اني بتها وهيه امي ماحسها اخت رهف محتضنتني بكلشي بزعلي بمشاكلي بكلشي يصير الي احسها مسؤاله عني والحلو بيها اذا امي ابويه جانو يهدون بيه هيه تبنيني تشجعني وتنطيني طاقه هيه وجهالها من اروح يمها متعرف شسوي وشلون اطلعني من حاله العزله والهم البيها اني دكيت عليها دزتلي رجلها وره ساعه احس هناك بيتي مو بيت اهلي تلكوني يسلمون ويبوسون حلفت لا افتت كلبه لرضا و اخلي يفتر ورايه الا ادوخه واخلي يتوب اطلع جن بعقله حتى ليستهين بالكلمه الحچاها كام كل ميدك كلمتين واسده لو ماشيله مرات من اشوفه عصبي ويجاوز بالكلام انطي حضر يوميه بالليل ابن اختي يخلينه بسياره ويطلعنه ناكل موطا نكعد بمتنزه نروح المول ذبيت العبايه كمت البس جبه نفس لبسي قبل ومن اطلع اخذ صور بالسناب اني وبسياره اني بالحديقه لو من يعلك ابن اختي اغاني اصور الاضويه مال السياره وتطلع ايده هوه بعمر ابني ومن ارجع ادزهن الرضا هوه يشوف لو يتخبل
رضا......... ولج انتي وين لا تكفريني؟؟؟؟
روز...... بالبيت
رضا....... يااااااا بيت روز انتي مو ابيت اهلج مو!؟؟؟
