مساء المحبه والتفائل
في، منتصف الرجوله
البارت الحادي عشر،
بقلمي... حنين العلي
روز..... فتحت الباب وجان انصدم بالمنضر
لكيت مندر ممدود ومخده وغطه وبصفه باكيت كلينكس واكو مشمر مال ابنيه وبطل مي وعصاير تقربت جسمي كله يرجف رفعت المشمر يفوح عطر نسائي اكلينكس مشمور،بالكاع بي اثر،حمره ممسوحه بالون الوردي الفاتح رفعت المخده
قراصه مال شعر جواها أيدي كامت ترجف وكعت على رجليه والقراصه بيدي دموعي تنزل حاره عرفت احمد عده شي بس مكاعد استوعب معقوله هيج يسوي بيه؟
كمت شفت ماكو احد البيت فارغ محد موجود.بي كلت مراح اكله اشوفه شيسوي قفلت الباب ورجعت البيت اهلي نار بكلبي ادك والطم وابجي اهالي تخبلو شبيج؟ ابويه موجود كتله يابه كيت وكيت السالفه لهنااااا وكااافي بعد ماكدر اتحمله امي بس تبجي لان امي ملچومه
ابو وليد..... متأكده؟ خاف متوهمه؟ احتمال ناسيه تلمين المندر
روز....... لا يابه لا تكلي، متوهمه عوف المندر وووووالمشمر، والقراااااصه والحمره هم الي؟ والله البيت نظفته على ايدي ماعرف غراضي قااابل
ابو وليد...... اذا اجه حنسوي روحنه مسمعنه وانتي روحي وياه و فهمي السالفه وعلى كيفج يابه شسوين الرياجيل كلهم هيج يجوز نزوه؟ تحملي لخاطر، ابنج
روز....... امي حظنتني وتبجي على حالي
روز...... سكتت وتحملت لحد ميجي صدك اجاني باليل يضحك طلعله ابويه سلم عليه عادي وصاحني رحت وياه هوه يسولف واني ساكته طول الطريق جايب عشه واكلات السائد وصلت للشقه لكيت كلشي راجع المكانه البيت نظيف عرفت جاي قبل ليمر عليه مرتب وشايل كلشي شاف وجهي مو تمام
احمد....... شبيج صاير شي؟
روز..... اسال روحك استاذ احمد
احمد...... افرشي مندر خلي نكعد نتعشه وبعدين اشوف شبي وجهج مگلوب
روز..... تعشه انته اني ماريد فرشتله المندر واشوفه يتفقد المندر مثل اليريد يشوف اكو شي كتله شبيك بي شي المندر؟
احمد........ لاهيج داشوف
روز..... شوكت رجعت للبيت؟
احمد.....هوه اجيت عليج راسا
روز...... متأكد؟
احمد.... اي ليش، تسألين
روز....... ليش تكذب
احمد.... شنو شدا تحجين شبيج انتي احترمي نفسج منو اليكذب
روز..... انته ترى اجيت وشفت كلشي ذب اللكمه من ايده
احمد..... ااااشفتي؟
روز....... شفت المنادر والغراض
احمد.... وشجااااااابج
