အိမ်အပြန်လမ်းတလျှောက်တွင် ကျွန်တော့်ရင်တွေတအားခုန်နေသည်။
အရိပ်လေးနဲ့နှလုံးသားချင်းသာမက အသွေးအသားချင်းထိပါ ရင်းနှီးလာရသည်ဟုတွေးမိခြင်းကြောင့်လည်းဖြစ်သည်။
ဆုံးဖြတ်ချက်ချလိုက်သည်က အရိပ်လေးကို ဘယ်သောအခါမှ လက်လွှတ်ဆုံးရှုံးမခံတော့ပြီဟူ၍ပင်…။
ကားမောင်းရင်းနှင့်ပင် လက်တစ်ဖက်က စီယာတိုင်ကိုကိုင်ထားပြီး ကျန်တစ်ဖက်က အရိပ်လေးရဲ့လက်ကို ကိုင်ထားမိနေသည်။
အဲ့လောက်ထိ အရိပ်လေးအပေါ်တွင်ထားရှိတဲ့ ကျွန်တော့်ရဲ့မြတ်နိုးမှုက,ရေစီးကမ်းပြိုဖြစ်နေရပါပြီ။"ဟာ မိုးကျလာပြီ။
ကားခဏရပ်ပေးပါလားကိုကို။"အရိပ်လေးက သဘောတကျလေးတောင်းဆိုလာတော့ ကားကို လမ်းဘေးချရပ်ပေးဖြစ်သည်။ဒီကလေးလေး ဘာလုပ်ဦးမလို့လဲ။
ကားရပ်ပေးပြီးတာနဲ့ အရိပ်လေးက ကားပေါ်မှအမြန်ဆင်းသွားပြီးလျှင် ကားကိုကျောမှီလျက် လက်နှစ်ဖက်ကိုဆန့်တန်းပြီးလျှင် မျက်နှာလေးကိုမော့ကာမျက်လုံးတွေအားဖျော့ဖျော့လေးမှိတ်ထားသည်။မိမိလည်း ကားပေါ်မှ အမြန်လိုက်ဆင်းရသည်။မိမိချစ်ရသူအရိပ်လေးကို သေးသေးလေးတောင်မှ အထိခိုက်အပွန်းအပဲ့မခံနိုင်ပါ။မိုးမိပြီး ကလေးလေးနေမကောင်းဖြစ်ရင် မိမိပဲ စိတ်ပူရမည်မဟုတ်ပါလား။
မိုးကလည်းနော် တန်ဆောင်မုန်းလကြီး ရွာရတယ်လို့။ဆောင်းဓာတ်အေးအေးလေးနဲ့ မိုးစက်တွေကလည်း ရေခဲစက်ကလေးတွေနှယ် အေးစိမ့်စိမ့်လေးဖြစ်နေသည်။"အရိပ်လေး ဒါဘာလုပ်နေတာလဲ။
ဖျားနေမယ်လေ ကလေးရဲ့။စာမေးပွဲနီးပြီဆို။""ဟီး အရိပ်က မိုးစက်ကလေးတွေကို သဘောကျလို့ပါကိုကိုရဲ့။
မျက်နှာပေါ်တဖျောက်ဖျောက်ကျလာတဲ့ မိုးရေစက်ကလေးတွေကို မျက်လုံးလေးမှိတ်ပြီးခံစားကြည့်ရတာက တကယ်မိုက်တယ် သိလားကိုကို။
ကိုကိုလည်း အရိပ်လုပ်တဲ့အတိုင်းလိုက်လုပ်ကြည့်ပါလား။"အံမယ်…သူလေးက မိမိကိုတောင် အညွှန်းပေးနေသေးသည်။
မျက်လုံးလေးမှိတ်ကာ မျက်နှာလေးမော့သွားပုံက တကယ်ကို သဘောတကျလေးဖြစ်နေဟန်။
ကလေးလေးလို အပူအပင်လည်းကင်းလှသည်။
မိမိကတော့ သူလေးကို ရင်ခွင်ထဲထည့်ဖက်ထားရင်းမှ သူလေးပြောသလိုလိုက်လုပ်ကြည့်လိုက်သည်။
အခုအချိန်လောက်ဆို ကလေးလေးက မျက်လုံးဝိုင်းလေးဖြင့် ကျွန်တော့်ကိုမော့ကြည့်နေလေမလား။ရှက်သွေးကြွယ်ပြီး ပါးမို့မို့လေးတွေနီမြန်းနေလေမလား။
YOU ARE READING
The Thief night(သူခိုးကြီးည/သူခိုးႀကီးည) {Completed}
RomanceIt was written to commemorate the full moon day of Tan Saung Mon in 1382 A.D. မြန်မာသက္ကရာဇ် ၁၃၈၂ခုနှစ် တန်ဆောင်မုန်းလပြည့်နေ့အမှတ်တရအနေဖြင့် ရေးသားခြင်းဖြစ်ပါသည်။ ျမန္မာသကၠရာဇ္ ၁၃၈၂ခုႏွစ္ တန္ေဆာင္မုန္းလျပည့္ေန႕အမွတ္တရအေနျဖင့္ ေရးသားျခင္းျဖစ္ပါသည္။