Unicode
"ကျွန်တော်တာဝန်ကျတဲ့စခန်းက'......' လေ
လမ်းကြုံရင်ဝင်လည်နော်...ကျိရန်လို့ပြောရင် စခန်းထဲကလူအကုန်သိတယ်..."
ဆေးရုံမှာလှည့်ပတ်ရှာနေတုန်း ကြားလိုက်ရသည့် အသံရွှင်ရွှင်လေးကြောင့် ဟောက်ရွှမ်းလည်း အသံပိုင်ရှင်ရှိရာ ကုတင်ဆီသွားလိုက်ကာ လိုက်ကာစကိုဆွဲဖွင့်လိုက်သည်။
"စခန်းမှူးက ဘယ်လိုလုပ်ပြီး ဆေးရုံကို.."
ရုတ်တရက်ကြီးရောက်လာသည့် ဟောက်ရွှမ်းကိုမြင်ပြီးအံသြနေသည့်ကျိရန်စကားကို ပြန်မဖြေနိုင်အားပဲ ကျိရန်ခန္ဓာကိုယ်
တစ်ခုလုံးကို စေ့စေ့စပ်စပ်အရင်ကြည့်လိုက်သည်။
"မင်းဒဏ်ရာရတယ်ဆို...."
"အာ...အဲ့ဒါက ဗိုက်မှာ ဓားနဲ့နဲနဲခြစ်မိသွားတာပါ..အခုဆေးထည့်ပြီးပါပြီ..."
ဟောက်ရွှမ်းလည်း ကျိရန်အကျီကိုလှန်ကြည့်လိုက်တော့ ပတ်တီးဖွေးဖွေးကိုသာမြင်ရသည်။
"အဲ့ဒါကြောင့် ငါမင်းကိုပြောတာပေါ့...လိုက်
မသွားပါနဲ့ဆိုတာ..မင်းက ငါ့စကားကို နားကိုမထောင်ဘူး.."
"စခန်းမှူးကလည်း ကျွန်တော်ဘာမှဖြစ်တာမှမဟုတ်တာ...ပြီးတော့ ကျွန်တော်က ရဲလေ...
လူဆိုးဖမ်းရမှာ ကျွန်တော့်တာဝန်ပဲဟာ.."
ဘေးမှာမတ်တပ်ကြီးရပ်ပြီး ကျိရန်ဗိုက်ကဒဏ်ရာကိုကြည့်ကာ မျက်နှာရှုံ့မဲ့နေသည့် စခန်းမှူးကြောင့်... ဒဏ်ရာရတာ သူလား ကိုယ်လားတောင် ကျိရန်မသေချာတော့ဘူး...။
"ကျွန်တော်ဘာမှမဖြစ်ပါဘူး..တစ်ကယ်ကိုနည်းနည်း...နည်းနည်းလေးပဲခိုက်မိတာ.."
"နောက်တစ်ခါ ငါ့စကားကိုနားမထောင်ဘဲ လိုက်သွားလို့ကတော့ ငါမင်းကို အချုပ်ခန်းထဲညအိပ်ခိုင်းလိုက်မှာ...ကြားလား..."
"ဟုတ်...နောက်တစ်ခါ စခန်းမှူးစကားကိုမြေဝယ်မကျနားထောင်ပါ့မယ်..."
ဒဏ်ရာရနေတာတောင် ရုပ်ပြောင်ပြနေသည့်ကျိရန်ကြောင့် ဟောက်ရွှမ်းလည်း မျက်လုံးပြူးပြကာ ကြိမ်းလိုက်သည်။
"အဟမ်း...ဟို လူနာရှင်ထင်တယ်..."
"ဒဏ်ရာက တစ်ပတ်လောက်နေရင်သက်သာမှာပါ...အမာရွတ်တောင်ကျန်ခဲ့မှာ မဟုတ်လို့ အများကြီးစိတ်မပူပါနဲ့နော်..."
YOU ARE READING
I really need you(Completed)
Fanfictionတစ်ယောက်ရဲ့ဘဝမှာ တစ်ယောက်မရှိရင် မဖြစ်တဲ့ ပတ်သတ်မှုမျိုးနဲ့ တည်ရှိနေတဲ့ ဖြစ်တည်မှုမျိုး...........။ အဲ့ဒါကျွန်တော်တို့နှစ်ယောက်ရဲ့ ပတ်သတ်မှုကံကြမ္မာပါပဲ.....။ ရိပေါ်+ရှောင်းကျန့် တစ္ေယာက္ရဲ႕ဘဝမွာ တစ္ေ...
