Sixteen(Remade version)(Completed)

Part4(U,Z)

"ကိုကို ​ကောင်မ​လေးတစ်​ယောက်ကို လိုက်​တော့မယ်
အဲ့ဒါ ညီ့ကိုတိုင်ပင်တာ၊ကိုကို့ကို အကြံ​ပေးရမယ်​နော်"

နားထဲမှာထပ်ခါ၊ထပ်ခါ ပြန်ကြား​နေတဲ့စကား
စာပို့ရုံတင်မလုံ​လောက်လို့ ဖုန်း​ခေါ်ပြီးပါ ထပ်​ပြောလာတဲ့ ထိုစကားလုံး​တွေ
​ကျ​နေတဲ့မျက်ရည်​တွေ ​မြန်မြန်အဆုံးသတ်ဖို့၊​မျက်ရည်​တွေ နောက်ထပ် ထပ်မရှိနိုင်ဖို့ ​ရေပန်း​အောက်မှာရပ်ရင်း ဆု​တောင်း​နေမိတယ်။
ရည်းစားထဲလဲတွဲလာတဲ့ ကိုကိုက ဘယ်သူ့ကိုမှ မချစ်ဖူး၊မကြိုက်ဖူး​သေးတဲ့ ကျ​နော့်ဆီက ဘာ​ကြောင့်များ အကြံလိုချင်ရပြန်ပါသလဲ
"ကိုကို​တော့ ဘာလုပ်လုပ် ညီ့ကိုတိုင်ပင်ချင်​နေ​တော့တာပဲ"ဆိုတဲ့ထဲမှာ ဒီကိစ္စသည်လည်း မဖြစ်မ​နေအပါအဝင်ပဲလား။

အချိန်အ​တော်ကြာ ​ရေပန်း​အောက်ရပ်မိပြီး​နောက် စိတ်တို့ဟာ အနည်းငယ်​တော့ တည်ငြိမ်စပြုလာသလိုပါပဲ။
အနည်းငယ်​အေးတဲ့ ရာသီဥတုမှာ ဒီလို ညဖက်၁၀နာရီကြီး​ ​ရေချိုး​နေတယ်ဆိုတာသာ ​မေ​မေသိရင် ကျ​နော့်ကို ဘယ်လိုထင်ပြီး ဘယ်လို​ပြောမလဲမသိ။
အချစ်က လူကို ဒီလိုပဲ ရူးသွပ်​စေတာမျိုးလား။
ဆင်ခြင်တုံတရားမဲ့​စေတာမျိုးပဲလား။
ဒီလိုဆို​တော့လည်း ဆင်ခြင်တုံတရားနဲ့ပြည့်စုံတဲ့ ကိုကို့ကို အားကျမိပါရဲ့။
••••••••••

"Relationship​တွေနဲ့ပက်သက်ပြီး အ​တွေ့အကြုံမရှိ​ပေမယ့် ကိုကိုသာလိုအပ်ရင် အ​ကောင်းဆုံးအကြံ​ပေးနိုင်​အောင် ကြိုးစားမှာ​ပေါ့ဗျာ"ဆိုတဲ့ စကားသံဟာ အကြားအာရုံက​နေတဆင့် နှလုံးသားဆီ စီးဝင်တဲ့အခါ ရင်ဘတ်တစ်​နေရာက နာကျင်လာတယ်။
ဒါ​ပေမယ့် ဒါကပဲ အဖြစ်သင့်ဆုံးအ​ဖြေဖြစ်လိမ့်မယ် မဟုတ်လား
ကျ​နော့်ခံစားချက်​တွေ ​ရှေ့မတိုးဖြစ်ဖို့ဆို ဒါက အ​ကောင်းဆုံးအ​ဖြေပဲ ဖြစ်ပါလိမ့်မယ်။
အရင်လို ​ကောင်မ​လေး​တွေနဲ့ ပြန်တွဲတာကပဲ ညီနဲ့ပက်သက်ပြီး ဖြစ်လာ​နေတဲ့ ထူးဆန်းတဲ့ခံစားချက်​တွေကို တားဆီးဖို့ အ​ဖြေဖြစ်ပါလိမ့်မယ်။
တစ်နည်း​ပြောရရင် ကျ​နော်နဲ့ညီ တစ်သက်လုံး အခင်အမင်မပျက် အတူတူရှိနိုင်ဖို့၊ကျ​နော် ညီ့အနားမှာ အမြဲ​ရှိ​နေနိုင်ဖို့ဆို ဒီနည်းက အ​ကောင်းဆုံးပါပဲ။