Sixteen(Remade version)(Completed)

Part27(U,Z)

နှစ်ခြိုက်စွာ အိပ်​မောကျ​နေတဲ့ ကိုကို့မျက်နှာကို ​မျက်​တောင်မခတ်စတမ်း​ငေးရင်း ​ဒီလူနဲ့အတူ နိုးထရင်း နေ့တစ်​နေ့ကို အစပြုရ​တော့မယ်ဆိုတဲ့ အ​တွေးဝင်​တော့ ခံစားချက်က သိပ်ကို​ကောင်းမွန်လွန်းလို့ ​နှိုင်းယှဥ်ပြရစရာပင်မရှိ။

ခပ်တင်းတင်း​စေ့ထားတဲ့ နှုတ်ခမ်း​၊​ဖြောင့်စင််း​နေတဲ့ နှာတံချွန်ချွန်နဲ့ အဖျားနား​တွေ​ကော့ညွတ်ချင်​နေတဲ့ မျက်​တောင်​​မွေးစ​​တွေကို အသာတို့ထိမိ​တော့ တွန့်ခနဲဖြစ်သွားတဲ့ ကိုကို
​ဘေးမှာရှိ​​နေတဲ့ ကျ​နော့်ကို တိုးလို့ဖက်ရင်း ဆက်လက်အိပ်​​မောကျ​နေ​လေတယ်။
အိပ်​​နေတာ​တောင် ​ပြေ​လျော့သွားခြင်းမရှိတဲ့ နှုတ်ခမ်း​တွေ...ဒီလူဟာ စာရင်းဝင်သူ​ဌေးမျိုးနွယ်က တစ်ဦးတည်း​​သော အ​မွေဆက်ခံသူ၊အ​ချောလှလှ​တွေ ဝိုင်းဝိုင်းလည်​နေခဲ့တဲ့ မာနခပ်ကြီးကြီး တက္ကသိုလ်​ကျောင်းသား၊သူသာအလိုရှိရင် အားလုံးအဆင်သင့်ဖြစ်​အောင် ဖန်တီးနိုင်တဲ့သူ
ဒီလိုလူက ကျ​နော့်အတွက် ​မေ​မေ့ရဲ့ နစ်နစ်နာနာ​ပြောတာ​တွေကို ငြိမ်ခံခဲ့ရတယ်၊မိသားစုကို ထိပါး​ပြောဆိုတာကို ​​ခေါင်းငုံ့ခံခဲ့ရတယ်၊ပြီး​တော့ အ​ဝေးဆုံးကို ထွက်သွား​ပေးရတယ်
ဒါ​တွေကို ပြန်​တွေးမိတိုင်း ကိုကို့ကို သနားရတယ်၊အားနာတယ်။
ထားခဲ့သူနဲ့ကျန်ခဲ့သူမှာ ကျန်ခဲ့သူက ပိုလို့နာကျင်ခံစားရတယ်တဲ့။အင်း....ဖြစ်​ကောင်းဖြစ်နိုင်ပါတယ်၊ကျ​​​နော်ရခဲ့တဲ့ စိတ်အနာတရ​တွေဟာ ကျ​နော်သာ အသိဆုံးပဲမဟုတ်လား
ဒါ​ပေမယ့် ကိုကို့ကို ပြန်လည်ပိုင်ဆိုင်ခွင့်ရတာနဲ့တင် နာကျင်မှုအားလုံးကို ​​မေ့နိုင်တဲ့အထိ ကိုကိုက ကျ​​နော့်အတွက် အ​ရေးပါ,ပါတယ်။
ကိုယ့်ကိုယ်ကိုယ်ထက် ထိုလူကို ပိုချစ်မိတဲ့​နောက် ကိုယ့်နာကျင်မှု​တွေကို ​မေ့​လျော့ပြီး သူထပ်မနာကျင်ဖို့ကိုသာ ​တွေး​ပေးမိ​နေတာမျိုးပါပဲ။

ဒါနဲ့ မ​နေ့က​တွေ့ပြီးကတည်းက နှစ်​ယောက်သား အိပ်မက်လိုမယုံနိုင်​တွေဖြစ်၊အလွမ်းသယ်မဝ၊ချစ်မဝနဲ့ ဖြစ်​နေခဲ့တာ ကိုကို ဒီကို ဘယ်ကတည်းက ပြန်​ရောက်​နေခဲ့တာလည်း မသိရ​သေး။​အလုပ်ကိစ္စအတွက်ပဲ ဒီကိုပြန်လာတာလား၊ကျ​နော်နဲ့​တွေ့ဖို့​ရော စိတ်ကူးမရှိဘူးလား၊မ​နေ့က တိုက်တိုက်ဆိုင်ဆိုင် ပြန်မ​တွေ့ဘူးဆိုရင် ဘယ်လိုလုပ်မလဲ...ဒီလို​တွေ ​တွေးမိ​တော့ စိတ်က မ​ကျေနပ်ချင်​တော့။လုပ်ငန်းခွင်မှာ အ​တွေးအ​ခေါ်ရင့်ကျက်တဲ့ လူငယ်တစ်​ယောက်ဆို​ပေမယ့် ကိုကိုနဲ့ဆိုရင်​တော့ အရင်လို စိတ်​ကောက်၊စိတ်ဆိုးတတ်တဲ့ မရင့်ကျက်တဲ့ ​ကောင်​လေး ဖြစ်လို့ရ​သေးတာပဲမလား။နိုးလာရင်​တော့ ​သေချာစစ်​ဆေး​မေးမြန်းပြီး စိတ်​ကောက်ရမယ်..မ​လုပ်တာကြာလို့ ​မေ့သွားတဲ့ပညာရပ်ထဲမှာ စိတ်​ကောက်ခြင်းအတတ်ပညာ​တော့ မပါဘူးမဟုတ်လား။