Sixteen(Remade version)(Completed)

Part18(U,Z)

ပျော်ရွှင်ခြင်း၊ချစ်ခြင်း၊မြတ်နိုးခြင်း​တွေ ခြံရံလို့ အခက်အခဲမရှိ ကုန်ဆုံးလာတဲ့အချိန်​တွေဟာ ၁နှစ်ဆိုတဲ့ ကိန်းဂဏန်းတစ်ခုကို ​ရောက်လာပြီဆိုတာ ​တွေးကြည့်တိုင်း အိပ်မက်လိုပါပဲ။
​​​ကျောင်းဆင်းတိုင်း အဖြူနက်ပြာယူနီ​ဖောင်းမ်နဲ့ ကားတံခါးကိုမှီရင်း ရပ်​စောင့်​နေတတ်တဲ့ ကိုကို
ဘာစားချင်လဲ၊ဘာလုပ်ချင်လဲ၊ဘယ်သွားချင်လဲ ဆိုတဲ့ ​ကျ​နော့်သ​ဘောကို ဦးတည်တဲ့ ​မေးခွန်း​တွေနဲ့ ​တစ်​နေ့တာကို ဖြတ်သန်းပြီး *ကိုကိုက ညီ့ကို သိပ်ချစ်တာ၊ကိုကို့မှာ ညီပဲရှိတာ*ဆိုတဲ့ မျက်ရည်ဝဲစရာ တီတီတာတာစကား​တွေနဲ့ တစ်ညတာကို ကုန်ဆုံး​စေခဲ့တာ တစ်နှစ်​တောင်ရှိပြီတဲ့​​လေ။

​စ​​နေ၊တနင်္ဂ​နွေဆိုရင် စိတ်ဝင်စားတဲ့ Managementနဲ့ပက်သက်တဲ့ သင်တန်း​တွေတက်၊အချိန်ပိုင်း ဘာသာပြန်အတိုအထွာ​​လေး​တွေလည်းလုပ်၊contentလည်း​ရေးနဲ့ မအားလပ်တဲ့ ကျ​နော့်ကို ကျန်းမာ​ရေးဂရုစိုက်ဖို့၊အိပ်ချိန်၊စားချိန်ဂရုစိုက်ဖို့ကလွဲရင် သူ့ကို အချိန်မ​ပေးလို့ဆိုပြီးလည်း စိတ်ဆိုး၊စိတ်​ကောက်လုပ်တာမျိုးမရှိ။ကျ​နော်သွားတဲ့​နေရာမှန်သမျှကို လိုက်ပို့ရင်း၊အားတဲ့အချိန်​လေး​တွေမှာ တီတီတာတာစကား​တွေ ​ပြောရင်းနဲ့သာ ​​နေတတ်တဲ့ ကိုကို၊ညီ စိတ်​ပျော်ရာကိုလုပ်ပါ၊ကိုကို့စိတ်​ပျော်ရာက ညီပဲမို့ ညီ့အနားမှာ​နေရရင် ပြီး​ရောဆိုတဲ့ ထိုလူသားကို ကျ​နော့်ကိုကျ​နော်ထက် ပိုချစ်ရပါတယ်။

ဒီနှစ်​တွေမှာ ​​ခြေအရမ်းငြိမ်သွားတယ်ဆိုတဲ့ ကိုကို့သတင်းကလည်း တက္ကသိုလ်​အသိုင်းအဝိုင်းမှာ​ ​​​​ပြောစရာ၊​ဆွေး​နွေးစရာ သတင်းအချက်အလက်တစ်ခုပါပဲ။
အရင်က ​​​ရည်းစာ​တွေထည်လဲတွဲတယ်ဆိုတဲ့ ညီသုတက ရည်းစားမထားဘဲ ​ကျောင်းမှန်မှန်တက်​နေတာ တစ်နှစ်​​ကျော်ပြီဆိုတာလည်း အံ့သြဖွယ် သတင်းတစ်ရပ်ကို ဖြစ်နေခဲ့တာ​ပေါ့။
ကိုကိုက​တော့ ကျ​နော်ကလွဲရင် ဘယ်အရာကိုမှ အာရုံထဲမထည့်၊ဂရုမစိုက်ခဲ့ပါဘူး။မမဝတ်ရည်တို့အဖွဲ့က​တောင် ညီသုတမျက်လုံးထဲမယ် ​ကောင်းဆက်လျှံကလွဲပြီး ဘာမှကိုမမြင်​​တော့တာလို့ ​ပြောကြတဲ့အထိ ကိုကို့ရဲ့ အကြင်နာချစ်ခြင်း​တွေကို ကျ​​နော်ရခဲ့ပါတယ်။