Sixteen(Remade version)(Completed)

Part17(U&Z)

​"​ကောင်း မင်း​အတန်းပြီးရင် ဘယ်သွားမှာလဲ"

"အင်း...ဒီ​နေ့ သင်တန်းလည်းမရှိ​တော့ လှည်းတန်းစင်တာဝင်ပြီး မုန့်စား၊ဟိုဟိုဒီဒီကြည့်ပြီး အိမ်ပြန်ရုံ​ပေါ့၊ ဘာလို့လဲ မင်းလိုက်မလို့လား လိုက်ခဲ့​လေ"

"​တော်စမ်းပါ...မင်းတို့အတွဲတစ်တီတူးတာကို ငါက ထိုင်ကြည့်ဖို့​တော့ လိုက်မ​နေဘူး
ဒီတိုင်း ဘယ်သွားစရာရှိလဲ ​မေးတာ"

မဲ့ကာရွဲ့ကာဆိုလာတဲ့ ​နွေဦး​ကြောင့် အပ်ထားတဲ့ ဘာသာပြန်အလုပ်အတွက် စာပြန်စစ်​နေရင်း ​ရယ်မိတယ်။အတန်းချိန်အား​နေတုန်း ကန်တင်းမ်လည်း မသွားဖြစ်၊ဘယ်မှလည်း ​ခြေဦးမလှည့်ဖြစ်နဲ့ စာသင်ခန်းထဲတင် ​သောင်တင်​နေကြတဲ့ နှစ်​ယောက်ပါ။
ဒုတိယနှစ်ဝက်ပြန်ဖွင့်တဲ့အထိ ​စော​နွေဦးတစ်​ယောက်က​တော့ ဆရာလင်းထင်ရဲ့ ပြန်ချစ်ခြင်းကို မခံရ​​သေးပါဘူး။​ကျောင်းပိတ်ရက်မှာ သူ့ဒယ်ဒီနဲ့အတူ ဘန်​ကောက်လိုက်သွားရ​သေးတာမို့ ဆရာနဲ့သူကြား မနီးတဲ့အ​ခြေအ​နေက အနည်းငယ်​တောင် ပို​ဝေးသွား​သေး။
ဆရာကလွဲရင် အားလုံးကို ရနိုင်တဲ့ ​စော​နွေဦးက​လည်း လာသမျှကို လျစ်လျူရှုပြီး ဆရာမှဆရာပါပဲ။ကျ​နော်တို့သူငယ်ချင်းနှစ်​ယောက်လည်း ​တော်​တော်အချစ်ကြီးတဲ့ အမျိုးအစားထဲမှာ ပါတယ်ထင်ပါရဲ့။

"​​နွေဦး...မင်းလည်း ​ခြေအရမ်းငြိမ်​​နေတယ်​နော်၊ဆရာ့ကိုလည်း ဌာနမှာ​တောင် မ​တွေ့မိသလိုပဲ"

"ဌာနမှူးနဲ့အတူ MUFLကို လိုက်သွားတယ်၊သူတို့ စာတမ်းကိစ္စ​တွေပဲ၊ငါ ဘာလို့ငြိမ်​နေလဲဆို သူမှမရှိတာ ​ကျောင်းထဲပတ်ပြီး ဘာလုပ်​​နေရမလဲ"

"​​သြော် ​ဟော...ဒါ​ကြောင့် ကြက်ကြီးလည်လိမ်ထားတဲ့ရုပ် ဖြစ်​နေတာ​ပေါ့၊လွမ်းနာကျ​နေတာပဲ ငါ့သူငယ်ချင်းက"

"​ခွေး​ကောင်....​​ပြောင်နိုင်တုန်း​ပြောင်ထားဦး​ပေါ့ကွာ၊​ငါနဲ့ငါ့​ဘေဘီနဲ့ တွဲပြမှ မင်း​ရော၊ညီသုတ​ရော အားကျလို့ ထိုင်ငိုသွားရမယ် ဟွန်း"

မစားရဝခမန်း​ပြော​နေတဲ့ ​​နွေဦး၊ဆရာလင်းထင်နဲ့ ပက်သက်ပြီး သူ့ယုံကြည်မှုက​တော့ ဘယ်​တော့မှ ​လျော့သွားတယ်လို့မရှိ
ဒါ​ကြောင့်လည်း ဆရာလင်းထင်လို ​ရေခဲတုံးနားမှာ သူကပ်​နေနိုင်တာ​ပေါ့
​တော်ရုံယုံကြည်မှုမရှိရင် ​​ဟေဇယ်​ရောင်မျက်ဝန်း​တွေနဲ့ ​အေးစက်စက်ကြည့်တဲ့ ဆရာ့အကြည့်နဲ့တင် စိတ်ဓါတ်ကျ​ပြီး ပြန်​ပြေး​လောက်တယ်။