Sixteen(Remade version)(Completed)

Part25(U,Z)

​ရန်ကုန်အပြည်ပြည်ဆိုင်ရာ​လေဆိပ်
တစ်နည်းအားဖြင့် ​အပြိုပြိုအလဲလဲ ထွက်​ပြေးခဲ့ရတဲ့ ​နေရာ၊ပြန်လည်​ခြေချဖို့ မဝံ့ရဲမှု​၊စိုးထိတ်မှုများစွာနဲ့ ရှိ​နေခဲ့ရတဲ့ ​နေရာ
ထွက်သွားချိန်မှာလည်း လူမသိသူမသိ အားလုံးနဲ့ အဆက်အသွယ်ဖြတ်၊နှုတ်ဆက်ခွင့်မရှိဘဲ တစ်​ယောက်ထဲ ​ကျောခိုင်းထွက်ခွာခဲ့ရသလို၊ပြန်​ရောက်လာတဲ့အခါမှာလည်း ဖက်လှဲတကင်း ကြိုဆိုသူမဲ့စွာနဲ့ အိမ်ကလာကြိုတဲ့ကား​​ပေါ်တက်ရင်း တိတ်ဆိတ်စွာ လိုက်ပါလာရတယ်။

၇နှစ်အတွင်း ​ပြောင်းလဲသွားတဲ့ မြင်ကွင်း​တွေကို အဓိပ္ပါယ်မဲ့စွာ ​ငေး​နေရင်း၊တစ်​ယောက်တည်း​သော အသက်ရှင်ရာ​​လေး​​ရော ဘာ​တွေ​ပြောင်းလဲသွားပြီလဲလို့ ​တွေးမိ​တော့ အပြုံးပန်း​​တွေနဲ့ လွမ်းမျက်ရည်​တွေပါ မ​ခေါ်ဘဲ အလည်​ရောက်လာတယ်။
စာ​​တော်တဲ့​ကောင်​လေးက တခြားအရာ​တွေမှာလည်း ထူးချွန်တာပဲ။​ကျောင်းရဲ့ ကြက်​တောင်ပွဲတိုင်းမှာ ဆုရတဲ့​ကောင်​လေး၊​ကျောင်းရဲ့ဂီတသင်တန်းမှာလည်း ​သေချာဂရုတစိုက်​လေ့လာတဲ့ ​ကောင်​​လေး၊သူချစ်တဲ့ အဆို​တော်​တွေနဲ့ ပတ်သက်တဲ့ အ​ကြောင်း​တွေကို ​ရေပက်မဝင်​အောင် ​ပြောပြတတ်တဲ့​ကောင်​လေး၊ဝါသနာပါတဲ့ အလုပ်​တွေ လုပ်ရင်း ထမင်း​​မေ့ဟင်း​မေ့ ဖြစ်​နေတတ်လို့ အမြဲဂရုတစိုက်​နဲ့​ကျွေးရတဲ့​ကောင်​လေး
ကျ​နော့်ကို သိပ်ချစ်​ပေးတတ်ပြီး၊ကျ​နော်က သိပ်ချစ်ရတဲ့​ကောင်​လေး
ထို​ကောင်​လေးရဲ့ ​ပြောင်းလဲမှု​တွေကိုလည်း ရင်ခုန်စွာနဲ့ သိချင်မိပါ​သေးတယ်။

ဘာမှမ​ပြောင်းလဲတဲ့ အခန်းထဲကို ​ခြေချမိ​တော့ အရင်ဆုံးသတိတရကြည့်မိတာက ​ပြောင်ရှင်း​နေတဲ့ စာကြည့်စားပွဲ
ဒီ​ပေါ်မှာတင်ခဲ့တဲ့ စာနဲ့stickကို ဘယ်သူယူသွားသလဲ သိချင်လာတယ်
ဦးငယ်​ပြောပြလို့ အ​ကြောင်းအရာတစ်ချို့ကို သိသွားတဲ့ ​မာမီက ရန်ကုန်ကအ​ကြောင်း​တွေနဲ့ ပတ်သက်လို့ ဘာတစ်ခွန်းမှ ​ပြောပြတာမျိုးမရှိ၊ကိုယ့်စိတ်နဲ့ကိုယ် ပြန်​သေ​​နေတဲ့ ကျ​နော်ကလည်း ရန်ကုန်ဆိုတဲ့အသံ​တောင် မကြားနိုင်တဲ့အထိ အ​ခြေအ​နေဆိုးခဲ့တာမို့ ကျ​နော်မရှိတဲ့​နောက် ဘာ​တွေဖြစ်ပျက်သွားလည်း မသိ​တော့။