Sixteen(Remade version)(Completed)

Part 23(U,Z)

နှစ်​တွေလ​တွေသည် တ​ရွေ့​ရွေ့နဲ့ ကုန်ဆုံးလာသည်မှာ ၇နှစ်ဆို​သော အချိန်ကို ​ကျော်လွန်လာခဲ့ပြီ ဖြစ်သည်။
ဒီ၇နှစ်​ကျော်ကာလမှာ လူက​တော့ ဘာလင်မှာပဲ ရှိ​နေပြီး စိတ်က​တော့ ညီရှိရာ ရန်ကုန်မှာပဲ တဝဲလည်လည်နဲ့ အရူးလို​နေ့ရက်များကို ခက်ခဲစွာ ဖြတ်သန်းခဲ့ရ​လေသည်။
နှင်း​ကျတဲ့ ​​နေ့​တွေဆိုလည်း အခန်းပြတင်းတံခါး​ပေါ်မှာ တင်ကျန်​နေတဲ့ နှင်းမှုန်၊နှင်းခဲ​တွေကို ကြည့်ရင်း ညီ့ကို သတိရမိသလို၊မိုး​တွေ သည်းထန်စွာရွာတဲ့ ​နေ့ရက်​​တွေမှာဆိုလည်း မိုးစက်​တွေကို ​ငေးရင်း လွမ်းစိတ်ပိုရပြန်သည်။

​ရောက်ပြီး တစ်နှစ်​ကျော်​လောက်တုန်းက ကျ​နော် စိတ်​ပြေလက်​ပျောက်ဖြစ်​အောင်ဆိုပြီး ဦးငယ်က ဥ​ရောပဖက် ခရီးထွက်ဖို့ စီစဥ်ပြီး တူဝရီးနှစ်​ယောက် လှိမ့်ခဲ့ကြ​သေးတယ်။
ဂျာမနီက​နေ ပြင်သစ်ကို​ရောက်​တော့ ညီနဲ့အတူသွားဖို့ ​ပြောခဲ့တဲ့ ​နေရာဆိုပြီး ​စိတ်​တွေက ပို​ကြေကွဲ၊မြင်သမျှမြင်ကွင်းတိုင်းက ညီ့ပုံရိပ်တွေပဲ ဖြစ်​နေပြီး လွမ်းနာကျသွားလို့ ဘယ်ကိုမှ ခရီးမဆက်နိုင်ဘဲ ဦးငယ်အဆဲအဆိုခံပြီး ဘာလင်ကို ပြန်ခဲ့ရတာလည်း မှတ်မှတ်ရရပါပဲ။
​နောက်ပြီး အရင်ကဆို ကျ​နော် ရန်ကုန်မှာရှိတာမို့ ရှမ်းပြည်က အလုပ်ကိစ္စ​တွေကို ဦးငယ်လှည့်ကြည့်စရာမလို​ပေမယ့် အခု​တော့ နှစ်ချုပ်စာရင်းကိစ္စ​တွေအတွက် တစ်နှစ်တစ်ခါ မြန်မာပြည်ပြန်ရတဲ့အလုပ် တိုးလာတာမို့ ဦးငယ်တစ်​ယောက် ပွစိပွစိနဲ့ ဆူလို့မပြီး​တော့။မြန်မာပြည်ပြန်ရမှာ ​ကြောက်တဲ့ကျ​နော်က ဘယ်လိုမှ ပြန်ခိုင်းမရ၊ဒီက အလုပ်​တွေပဲ လုပ်ပါ့မယ်ဆိုပြီး ​ကော်နဲ့ကပ်ထားသလို ကပ်​နေတာမို့ ​နောက်ပိုင်းနှစ်​​တွေမှာ ဦးငယ်က ဘာမှမ​ပြော​တော့။သူ့ဘာသူပဲ မြန်မာပြည်ပြန်​​တော့တာပဲ။

"သုတ ဘာ​တွေလုပ်​နေတာလဲ"

ကွတ်ကီးအတွက် မုန့်နယ်ပြီး ovenထဲထည့်ဖို့ ပြင်​နေတုန်း မီးဖိုခန်းထဲဝင်လာတဲ့ ဦးငယ်
ကွတ်ကီးဗန်းကိုမြင်​တော့ ရှုံ့မဲ့သွား​လေပြီ
ညီ့ကို လွမ်းတိုင်း ညီသိပ်ကြိုက်တဲ့ ကွတ်ကီး​တွေလုပ်၊ပြီးရင် ဦးငယ်ကိုပဲ ဒိုင်ခံ​ကျွေးတာမို့ ၇နှစ်လုံး ဆဲရင်းဆိုရင်း စားလာရတဲ့ ဦးငယ်က ကွတ်ကီးမြင်ရင်ကို လန့်တဲ့အဆင့်​ရောက်​နေပြီ။တစ်ခါကဆို "ညီသုတ မင်း​ကြောင့် ငါ ကွတ်ကီးထ​ရော်မာရ​နေပြီ အမျိုးတစ်ခြမ်းယုတ်ရဲ့"ဆိုပြီး သူကြည့်မရတဲ့ ဒယ်ဒီ့ကိုပါ ထိခိုက်ပြီး ဆဲသွား​သေးတယ်။
အခုလည်း ​ရန်ကုန်က​နေ ​လေယာဥ်အကြာကြီး စီးလာရပြီး ခရီးပန်းလို့ အိပ်​နေတဲ့ဦးငယ်၊နိုးနိုးချင်း အ​မောဆို့စရာ ​တွေ့​တော့မယ်ထင်ပ။စပ်ဖြဲဖြဲမျက်နှာနဲ့ပဲ