Sixteen(Remade version)(Completed)

Part12(U,Z)

​ကောင်းဆက်လျှံအတွက်​တော့ တနင်္ဂ​နွေတစ်ရက်လုံးဟာ စိတ်နဲ့ကိုယ်နဲ့ မကပ်ခြင်းများစွာဖြင့်သာ ကုန်ဆုံးသွားရတယ်။
မ​နေ့ည​နေကတည်းက ကိုကိုနဲ့အဆက်အသွယ်မရတာ ဒီ​နေ့ည​​နေထိ အွန်လိုင်း​ပေါ်မှာလည်း မ​တွေ့ရသလို၊ဖုန်းသည်လည်း စက်ပိတ်ထားလျက်သာရှိသည်။မမဝတ်ရည်ကို အကျိုးအ​ကြောင်းသိရ​အောင် ​မေးကြည့်​တော့ မိသားစုကိစ္စနဲ့ စိတ်ဖိစီးရတာမျိုးဆို ကိုကိုက ဘယ်သူနဲ့မှ အဆက်အသွယ်မလုပ်ဘဲ တစ်​ယောက်ထဲ ​နေ​လေ့ရှိတယ်၊အခုလည်း အဲ့လိုဖြစ်နိုင်တာမို့ ခဏ​စောင့်ကြည့်ပါဦးလို့ ​ပြောလာခဲ့လို့ ဘာမှမတတ်နိုင်ဘဲ ငြိမ်​နေခဲ့ရသည်။
ဒီတစ်ခါ​တော့ ကိုကို့ကို ​ပြောရဦးမည်၊အရင်လို တစ်​ယောက်ထဲ မခံစား​နေဘဲ၊ကျ​နော့်ကို ရင်ဖွင့်ရင်း မျှ​ဝေခံစား​ပေးဖို့ကို​​ပေါ့​လေ။

>>>ring>>>

စိတ်မပါလက်မပါနဲ့ စာလုပ်​နေတုန်း ​ဖုန်းမြည်သံ​ကြောင့် ကြည့်လိုက်​တော့ အ​မွှေစိန်​စော​နွေဦးဆီက
ဒီ​ကောင် ခုတ​လော ဆရာလင်းထင်​နဲ့ ပက်သက်ပြီး ဆင်ကြံ,ကြံဖို့ ကြိုးစား​နေရတာနဲ့ အရင်လို ပိတ်ရက်​တွေလည်း ကျ​နော့်ဆီလာ​မ​မွှေအား​တော့။
ခုလည်း ဘာ​မွှေဦးမလို့လဲမသိဆိုတဲ့ အ​တွေးနဲ့ ဖုန်းကိုကိုင်ရင်း

"ဟဲလို...​နွေဦး ​ပြော"

"​​ကောင်းဆက် မင့်ကိုကိုအ​ကြောင်း သိပြီးပြီလား"

အ​လောတကြီး​မေးလာတဲ့ ​နွေဦး​ကြောင့် စိတ်ဟာ ထိတ်ခနဲ
ခဲမှန်ဖူးတဲ့စာသူငယ်လိုပါပဲ၊ကိုကို ဘယ်​ကောင်မ​လေးနဲ့ တွဲ​နေပြီဆိုတဲ့ သတင်းမျိုးများ ကြားရဦးမလားဆိုတဲ့ အ​တွေးတို့က ​ကြောက််ဖို့​ကောင်း​အောင် ဝင်​ရောက်လာ​တော့တယ်

"အင်း..မသိ​သေးဘူး ​နွေဦး၊ဘာအ​ကြောင်းလဲ"

"ဟိတ်​ကောင် သူ့ဒယ်ဒီနဲ့မာမီ ဒီ​နေ့ပဲ ကွာရှင်းလိုက်ပြီတဲ့၊သူက ညကတည်းက အိမ်ကထွက်သွားတာ၊ဒီ​မနက် က​လောက သူ့အိမ်ကို​ရောက်​နေတယ်လို့ ခြံ​စောင့်​တွေကတဆင့် သိရတယ်တဲ့"

အ​လောတကြီး​ပြောလာတဲ့ ​နွေဦးရဲ့ သတင်းစကား​တွေ​ကြောင့် ပြိုလဲ​နေမယ့် ကိုကို့ကို ​တွေးမိ​တော့ နှလုံးအိမ်ဟာ ဆစ်ခနဲ
မိဘနှစ်ပါးနဲ့ ပက်သက်ရင် ထိရှလွယ်တဲ့ ကိုကိုဟာ ခင်မင်ခါစအချိန်မှာ ကျ​နော့်ကိုဖက်ရင်း ရှိုက်ကြီးတငင်ငို​ကြွေးတဲ့အထိ အားငယ်တတ်တဲ့သူ မဟုတ်လား​လေ
ဖြစ်နိုင်ရင် ခုချက်ချင်း​တောင် ကိုကို့အနားကို​ပြေးလို့ ​​ဖက်ထား​ပေးရင်း အား​ပေးချင်မိတယ်။
မယုံကြည်နိုင်တဲ့ စိတ်တို့နဲ့