တိတ်ဆိတ်ငြိမ်သက်နေတဲ့ ပတ်၀န်းကျင်တစ်ခု
ကားသံတွေလည်း မကြားရပဲ စကားသံတွေလည်းမရှိတဲ့ နေရာငယ်လေးပေါ့
နေရာအတိအကျပြောရရင် လမ်းကြိုလမ်းကြားလေးတစ်ခုမှ ဖွင့်ထားတဲ့ ကော်ဖီဆိုင်လေးပေါ့
ကျွန်တော်နဲ့ မမကျူရှင်မတက်ချင်လို့ အမြဲပုန်းခဲ့တဲ့ နေရာလေးပေါ့
ဆိုင်ရှင်ဦးလေးကြီးနဲ့လည်း အတော်ခင်နေပြီလေ
ဒီဆိုင်လေးမရောက်ဖြစ်တာ တစ်နှစ်လောက်ရှိပြီ
အရင်က ဒီဆိုင်လေးရောက်တိုင်း ကော်ဖီရေခဲမုန့်လေးပဲ စားဖြစ်ခဲ့ကြတယ်
အမွှာလည်းဖြစ်တဲ့အပြင် သိပ်ချစ်ကြတာကြောင့် မေလေးနဲ့ယံလေးကို ဆိုင်က ၀န်ထမ်းတော်တော်များများကပါ ချစ်ကြတယ်
ဒီတစ်ခါတော့ သိပ်ချစ်တဲ့ လူနှစ်ယောက်ရှေ့မှာ ခါးသပ်သပ် ကော်ဖီ ၂ခွက် က စားပွဲခုံပေါ်မှာ နေရာယူထားကြတယ်
" ကဲပြော ..."
တိတ်ဆိတ်နေတဲ့အခြေနေကို ဖြိုခွင်းဖို့ မေလေး စကားစလိုက်တယ်
" ယံလေး တောင်းပန်ပါတယ် မမ "
" ဘာလို့လဲ"
" ယံလေး ကိုကို့ကို ယူခဲ့မိလို့ပါ ယံလေးမသိလို့ယူခဲ့မိတာပါ တကယ်ပြောတာပါ"
"နင် မသိတာ သေချာလို့လား "
အခေါ်အဝေါ်အသုံးအနှုန်းတွေက အရင်လို မနူးညံ့တော့တာကြောင့် ယံလေးအလိုလို၀မ်းနည်းလာတယ်
"မမ ရယ် ယံလေးတကယ်မသိတာပါ "
" ဒါဆို အခု သိပြီဆိုတော့ ဘယ်လိုလုပ်မယ်စိတ်ကူးထားလဲ"
"ယံလေး ပြန်ပေးပါ့မယ် "
" ပြန်ပေးမယ် ဟက် ....ယံလေး ကိုကြီးကို အရုပ်လို့ထင်နေတာလား"
"တကယ်ပြောတာပါ ယံလေးကို အချိန် ၄ လတည်းပေးပါ ၄လပြည့်ရင် ကွာရှင်းစာချုပ်မှာလည်း လက်မှတ်ထိုးပေးပါ့မယ် မမလက်ထဲ ကိုကို့ကိုပြန်ထည့်ပေးပါ့မယ် "
" ဘာလို့ ပြန်ပေးမှာလဲ နင် ကိုကြီးကိုချစ်တယ်မဟုတ်ဘူးလား"
"ယံလေးအမှန်တိုင်းေပြာရရင် ကိုကို့ကိုအသက်ထပ် ပိုချစ်ပါတယ် ဒါပေမဲ့ ကိုကို့ထက် မမကို ပိုချစ်တယ် မမကို စိတ်ဆင်းရဲအောင် မလုပ်ချင်ဘူး
အရင်က မသိခဲ့လို့လူပ်ခဲ့မိတာ တကယ်လို့သိခဲ့ရင် ယံလေးကိုယ်တိုင်မမ နဲ့ကိုကို့ကို လက်ထပ်ပေးခဲ့မှာ ..."
YOU ARE READING
Bad Puppy
Romansa"ကျွန်တော့်ကိုပဲချစ်ပါကိုကို " #နှိုင်းထက်ယံ# "ငါမင်းကို လက်ထပ်မယ်" #နေမင်းဆက်# "ကြၽန္ေတာ့္ကိုပဲခ်စ္ပါကိုကို " #ႏွိုင္းထက္ယံ# "ငါမင္းကို လက္ထပ္မယ္" #ေနမင္းဆက္#
