ဆူးနစ်လေသော

အပိုင်း-31

ဆူးနစ်လေသော
Unicode:;

Part-31

ဒီလိုဘဲ တစ်ရက်ပြီးတစ်ရက်ကုန်ဆုံးလာလိုက်တာ နှစ်တောင်ကုန်တော့မည်ဖြစ်သည်။ တွဲလာတဲ့ ၃လကျော်အတွင်း ကိုကိုက သူ့ကို အရမ်းဂရုစိုက်ခဲ့ပါသည်။ ကိုကိုရဲ့ အမှောင်ဘက်ခြမ်းကိုလဲ သိခွင့်ရခဲ့သည်လေ။ အမြဲ ပြည့်စုံတယ်ထင်ရပေမယ့် လူတွေ မမြင်နိုင်တဲ့ဘက်ခြမ်းက ကိုကို့အကြောင်းပေါ့။ အမြဲ အဆင်ပြေသလိုနေနေတတ်ပေမယ့် သူစိတ်အခက်မသင့်ရင် ငြိမ်သွားတတ်တာလေးတွေ ။ တစ်ခါတစ်ရံ အတ္တကြီးတတ်တာလေးတွေပေါ့ ။အစကတော့ အဆက်နဲ့အကြောင်းကို တစ်ပတ်နှစ်ပတ်နေရင် ပြောပြမယ်ကြံသော်လည်း ကိုယ့်ရဲ့ သတ္တိတို့က ခွင့်မပြုခဲ့။ ထို့ကြောင့်ပင် အဆက်နဲ့ အကြောင်းကိုမပြောပြရသေး၍ အဆက်အကြောင်းကိုလဲ တစ်ခါတစ်ရံ အတင်းတုတ်တတ်ပါသေးသည်။ ကိုယ့်မှာတော့ သူငယ်ချင်းနဲ့ ချစ်ရသူကြားလမ်းတွေပျောက်လို့ပေါ့။ မသိသာစေရန် ဝင်ရောက်‌ဖြန်ဖြေပေးသောလဲ ကိုကိုက လက်မခံ ။ ဘာကြောင့်များ အဆက်ကို အရမ်း မုန်းနေသလဲ ဆိုတာ စဉ်းစားမရပါ။

ခါတိုင်းလို ကျောင်းဆင်းတိုင်းခိုးမတွေ့တော့ဘဲ အားလပ်ရက်တွေမှာမှ နှစ်ရောက်သား အေးဆေးတွေ့ဖြစ်သည်။ အခုလဲ
"မိုးလေး ကိုကိုနဲ့ မိုးလေးသူငယ်ချင်းတွေနဲ့ဆို ဘယ်သူ့ပိုချစ်လဲဟင် "

"အင်........"

"ဘာလို့စဉ်းစားနေရသေးတာလဲ မိုးလေးရဲ့ သေချာပေါက် ကိုကိုပဲဖြစ်ရမှာပေါ့"

"ဟုတ်ပါပြီ ကိုကိုရယ် မိုးလေးစာလုပ်ပါရစေဦးနော်"ဟုပြောကာ နဖူးလေးကို ခပ်ဖွဖွနမ်းရင်း ချော့လိုက်ရသည်လေ။ ကိုကိုဆိုတာ အခုလို သဝန်လဲ တိုတတ်ပါသေးသည်။အရာအားလုံးနဲ့ ယှဉ်လျှင် သူ့ကိုရွေးချယ်မှသာ သဘောတွေ့တတ်တယ်လေ ။

ထိုမေးခွန်းကို အကြိမ်ပေါင်းများစွာကိုကိုက မေးသည့်အခါတိုင်း ကိုယ့်ကိုကိုယ်ပြန်မေးလဲ အဖြေကတော့ မရေရာပါ။ ကိုကိုနှင့် အဆက်နဲ့အမာန် ကို ရွေးချယ်ရခြင်းက အဖေနဲ့အမေ ဘယ်သူ့ကိုပိုချစ်လဲဟူသော မေးခွန်းလောက်ကို ခက်ခဲလွန်းလှပါသည်။ကျွန်တော်သာ အပင်တစ်ပင်ဆိုလျှင်  ကိုကိုကနေရောင်ခြည်လေးဆို အဆက်တို့က ရေပင်ဖြစ်သည်။ နှစ်ခုထဲ တစ်ခုမရှိလျှင် ကျွန်တော့်အတွက်မဖြစ်။ ထို့ကြောင့် ဘယ်သောအခါမျှ သေချာသော အဖြေတစ်ခုကို မပေးဖြစ်ခဲ့ပါ။ ‌ထိုမေးခွန်းကို ရှောင်လွဲချင်လို့ စာသာ ကုန်းရေးနေသော်လည်း