هـل وصلتك مشاعري ، هـل فهمت قلبي ، هـل شعرت
بحُبي؟ ، هـل علمت كيف عانيت لأجلك كم تحملت
لأكون لك وحدك ، أرُيدك لي فقط فقط لي أنـا !
#شـيـاع الـمِسك
#هُـدى حُـسَـيّـن
••••••••••••••••••••••••••••••••
الدنيا كانت العصر نهاية شهر يناير كان الجوه كلش حلو
ولطيف ، مع إن الكهرباء طافية الا إن حسيت هذا الجوا
كلش حلو ولطيف ، عكس أختي الي تتذمر من برودة
الي داتتسلسل للبيت ، ما اهتميت لكلامها وضليت
كاعدة بالحديقة وابتسم واباوع لسمه الي كانت مُلبدة
بالغيوم تنذر للمطر ،
كمت واني جوعانة دخلت للمطبخ كان العشى لسه ما
مسوينة عاد فتحت الكاونتر اخذت بتيتة وطماطمة
وبديت أكلي طلعت خُبز من المُجمدة وسويت زلاطة
وكعدت اكل واني كاعدة بالغرفة اراقب أخواتي شلون
كانً وحدة تدرس والثانية تحط مكياج ، تنهدت بعمق وگلت
-بنات شخبار عمامي شو لسة ما أجه احد؟
-ليش ترديهم يجون بعد الي سويتي؟
گالت مريم هيج وهي تترك الحمرة الي بيدها وتباوع
الي برود تام لتجوابها ملك
ملك-ما سوت شي غلط كل الي سوته كان صح
كالت ملك وهي تترك الدراسة وتجي يمي تتربع وتاكل
رشفت من قوطية الببسي وگلت بعد دقائق مرت من
الصمت
-ما متندمة على شي تدرين ليش ، من بعد ذيچ
الفضيحة بعد محد يگدر يضرب بسامير النا ولا لأمي
لذلك مرتاحة
مريم -ليش لعد تسألين عليهم؟ اذا مرتاحة وما متندمة ؟
من شفت انفعالها وحدتها عرفت هي مقهورة مني لأن
سويت هيج والمشاكل الي صارت وانقطاع عمامي عنا
عذرتها هي لأن تحب ابن عمتي وعدها علاقه ويا
وبسبب الي صار علاقتهم شبه تفككت لذلك هي من
ينفتح طاري الموضوع تحد اسنانها عليه !
-ليش اسأل ؟! معقولة لسة ما وصلتي لجواب بنفسج
مريم- كرميني بسكوتج مِسك ولا تتفلسفين
رفعت حاجب واني مستغربة منها كمت شلت الصينية
بعد ما اكلنا اني وملك وكفت كدامها وكتلها بهدوء
-طلعت حقيقة عمامج كدامنا كلنا وانتِ مجذبه كلشي
بالاضافة شلون طلعوا مصلحچين واني ما زال عندي
أمل قليل كلش قليل أنهم يجون ويعترفون بغلطهم
ويكولون هذا اخونا ما نكسر بي ما نقطع عنه يضل اخونا لكن شنوو؟ كلشي ماكو طلعوا على حقيقتهم وانتِ لسة ترديهم !
طلعت واني مزعوجة منها بعد كل الي صار ما ترضى
تعترف بحقيقة عمامي ليششش ، لأن طلال يلعب
بعقلها نضفت المطبخ و رجعت اخذت كتابي وطلعت
اقرأ بالحديقة كان كتاب مُميز بالأصفر فادني كلش
هالكتاب أحب اقرأ تنمية بشرية لذلك اغلب الكُتب
الي اجيبها تنمية وعلمية هي القوت شخصيتي وعلمتني
هواية شغلات فعلاً اني ممُتنة للكتب هواية !!
أنت تقرأ
شـيـاع الـمِسك
Romanceأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
