شـيـاع الـمِسك

الحلقة الـ16

لك بالفؤاد معزةٌ وهيامُ
والبعدُ في شرع الغرام حرام
ما بال بالي لا يبالي بلوتني
وبليلةً بات الوئام خصامُ..

#شـيـاع الـمِسك
#هُـدى حُـسَـيّـن
••••••••••••••••••••••••••••••••

دخلت اله واخواني طلعوه باوعتله شفته ضايج حرت
شنو بي سلمت و رد السلام ، ضليت واكفه ما حچيت
دقايق واحس نجريت اصطدمت بي رفعت راسي بقلق
كال بصوت حاد

شياع: چنتي مخطوبة قببببل

بلعت ريقي بخوف منه شفته شلون كان عصبي گتله

مِسك: اا ااي

غمضت عيوني بألم من حسيته ضغط على زند ايدي
فتحت عيوني ، أيقنت من شفت ردة فعله هو ما
يدري كتله وكوه احچي من خوفي ، خوفي
منه فقط

مِسك: وا والله ما ما ادري بيك والله والله عبالي كولولكم

شياع: وليش ما حچيتي انتِ

كان واضح متحكم بأعصابه لا يأذيني هزيت راسي
وكتله

مِسك: شياع شياع والله ما ما ادري والله بع بعدين ما
ما طولت خطوبتنا

غمضت عيوني وشهكت بألم احس ايدي خلاص راح
تنكسر

مِسك: والله والله ما اعرف ما ادري بيك

ختمت كلامي فتحت عيوني وكانت عيوني مليانه
دمع باوعلي وترك ايدي بسرعة كالي

شياع: شصار بينكم ؟

مِسك: ها؟

تقرب الي واني عاگده حواجبي واباوعله مستغربه باوعت لعيونه كالي

شياع: كتلج شصار بينكم؟

بلعت ريكي واني خايفه وحايرة ، منو الگاله معقوله
يونس لكن شلون؟ ، شنو الوصله وهيج عصبي منعت
دموعي من النزول واني أقرر ما اخاف منه واحچي
واواجه ، لكن للاسف عيونه وهو عصبي تخوفني كتله
من استجمعت شُتات شجاعتي

مِسك: شياع هذا ماضي وكان ماضيي وخصوصيتي
شلون تريدني اكلك شي خاص بيه زين انتَ انتَ تكلي
شيصير بينك وبين زوجتك

خزرني كبل سكتت ودنكت جرني اله باوعتله واني
ارجف ، متفأجئه من نفسي شلون هيج خايفه يمه كالي

شياع: لا تخلين صوتي يطلع مِسك كليلي شصاااار

حبست أنفاسي واني اشوف يحجي وهو عصبي نار
واندم اذا جادلته ، كتله

مِسك: ما ما صار شي

رفع حاجب وايده ضغطت على ايدي غمضت عيوني
وعضيت اشفافي بألم كالي