يَا بَائِعَ الوَردِ لَا تَشكُو إذَا صَدُّوا
وَلَا تُنَادِي إذَا مَا النَّاسُ قَد شَدُّوا
مَـا كُلُّ وَجهٍ تَـرَاءَت فِيـهِ أغنِيَةٌ
أو كُلُّ سُقيَا نَمَا فِي رُوحِهَا وَردُ •
#شـيـاع الـمِسك
#هُـدى حُـسَـيّـن
••••••••••••••••••••••••••••••••
كنت واكفه واني اباوع بخوف كنت كلش مرعوبة من
المنضر الكدامي لدرجة ردت اتقدم قبل لا يصير شي الا
اني تجمدت بمكاني رجلية تثبتت بالكاع وما رضت
تخطى خطوة للامام ، كنت اشوف علي وطلال واحد
موجهه المسدس كدام الثاني ، خلال لحظة لحظة
وحده شفت الدم اتناثر وصار على وجهي صرخت
مِسك: لااااا علييييي
علي: مِسك مِسك فتحي عيونج
فتحت عيوني واني مصدومه باوعت شفته هو واكف
والخوف كان مالي عيونه اخذني لصدره من شافني
اباوعله خايفه واهذي بأسمه كالي
علي: ماكو شي حلم حلم يروحي هاي اني يمج
تمسكت بأيده بقوة كنت مو واعيه شنو داحچي بس
الي اعرفه خوفي علي كان كلش كبير لدرجة ما ردته
يبتعد عني ، حتى صرت اخاف انام لا احلم كوابيسي
كثرن وصارت عندي حالة نفسية بسبب كوابيسي ،
ما رضيت انام كتله بعد ما إيقنت أن طلال شارد وعلي
موجود يمي
مِسك: ضل اهنا احچي ويايه علي
ضحك هو وانفتحت الباب باوعنه شفناها امي جايبه
الاكل كالت
امي بحنية: ها يمه كعدتي يلا كومي خلي اوكلج
مِسك: ما اريد
علي: تاكلين لو اصيحلج مُهجة
ضحكت بتعب وهو كومني سندت نفسي على التاج
واني تعبانه وعيوني تراقب علي بخوف ، خايفه علي
كلش ، هو راد يطلع من شاف ليال وكَمَرة يردن يدحلن
لكن اني كنت كلش خايفة وما راضية يبتعد كل البالي كابوسي يصير حقيقة !!
مِسك: ضل علي عفيه لا تطلع
باوعلي مستغرب اجه يمي كعد وهو يمسد على شعري
علي: كليلي شبيج من شنو خايفه
مِسك: خايفه عليك من طلال ضل اهنا
باوع لأمي الي كانت قلقه هي هم واتنهد كال
علي: لا تخافين مِسك هو شارد اني ما اخاف منه
مِسك: بس اني اخاف
ضمني لصدره وهو يبوس راسي كالي
علي: لا تشيلين هم ماكو شي يلا اكلي وشويه واجيج
ماشي
هزيت راسي بأي وهو طلع دخلن البنات وامي بدت
توكلني كالتلي
امي: يمه لا تفكرين هيج ارتاحي
أنت تقرأ
شـيـاع الـمِسك
Romanceأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
