شـيـاع الـمِسك

الحلقة الـ25

أتقبلني بما أشعُر؟
‏بأخطائي وما يصدُر؟
‏وما آتيكَ بالكلماتِ
‏عذرًا عندما أعثُر
‏أتقبلني بما فيَّ؟
‏بدمعي فائض القطرات
‏بضعفي عندما أخسر؟

#شـيـاع الـمِسك
#هُـدى حُـسَـيّـن
••••••••••••••••••••••••••••••••

دخلت لغرفتي بعدما كلها طشت كانت وياي كَمَرة حتى
تعقم ايدي ، كعدنا اني وياها ودانسولف رن تلفوني
اخذته لكيته رقم رديت علي

مِسك: الو

وداد: هلا بهل صوت

غلقته بسرعة من سمعت صوت وداد ، مالي خلك ابد
لسوالفها ، جابت كَمَرة التعقيم والقطن وشاش ابيض كالت

كَمَرة: هههه هاي حتى ما تكدرين تسلمين سلام العراقين
بيها

مِسك: رقم غريب ورفضته

دانسولف وتلفوني كل شويه يرن يعلن عن اشعارات،
راحت كَمَرة بعد ما كملت وشكرتها ، واني نزلت جوه
اريد اسوي جاي بحليب ، وكان تلفوني بيدي اقرأ رسائل

مِسك ردي ، وينج جاوبي ، ليش ما تردين داكلج ردي،
مِسك عندي سالفة ويا مهمة فردي ، هاي ليش سديتي
ولج طاحظج وحظ اليخابرج ،

جريت انفاسي استعد للعركة الجاية ، تربعت على تخم
وبديت اكتب

مِسك: شكووو شكو يعني اني ما اخلص منكم

ردت بسرعة

: وجع ميته عليج اني

مِسك: لعد شتصخمين هسه

: يونس رايد يحاجيج

رجفت ايدي وحطيت التلفون بحظني لان ايدي صارت
توجعني وصرت اكتب

مِسك: وداد لا اريدج ولا اريد يونس ابتعدوه عني

: مِسك اني يونس ردي اريد احاچيج

رن تلفوني كبل رفضته والغضب احتلني

مِسك: ما كافي انتَ ما مليت

يونس: ردي خلي نسولف مثل الاوادم

مِسك: ما ارد كافي تتصل لا احظرك ، انتَ شنو ما تفكر
ما تحس ما تكول تزوحت وعاشت حياتها شعدك لازكلي
تريد تخرب حياتي مو

يونس: لا اله الا الله ولج بابا انتِ شبيج مخبلة كتلج
ردي اسولفلج مثل خلك الله

مِسك; لا تتصل شياع يمي

كنت احجي واباوع على الغرف خاف احد يكعد ،