فداكَ القلبُ لاتحزن لشيءٍ
لأنّك إن حزنتَ فأنتَ منّي
ولا تُسبّل دُموعكَ كلَّ حينٍ
وخُذ دَمعي وخُذ إن شئتَ عيني
#شـيـاع الـمِسك
#هُـدى حُـسَـيّـن
••••••••••••••••••••••••••••••••
كلماته الي وصلتني هدئت كل ذرة بجسمي خلتني
اباوع بعيونه حچيت وكاد قلبي يكون يحنجرتي من
خوفي من هالرجل وين يعرفني شلون ما اعرف
مِسك: من منو انتَ؟
كال بصوت خلاني ابحث بذاكرتي منو هو شلون التقينا
اول مرة ما اعرف
:اني شياع
شياع ؟؟ ، اسم غريب مثله هو لكن شلون يعرفني كتله
مِسك: و وو وين تعرفني؟
شياع: اعرفج عن قريب اخليج حلالي الي
اتسعت عيوني مصدومة منه كال
شياع: انتظريني !
راح هو واني صرت ارتجف من الخوف منو هذا شياع
وين شايفته شنو كلامه خلاني اتوتر واحس عيون
تراقبني والله لو يعرفون عمامي وخاصةً هو كان متت
من الخوف مشيت بسرعة وعيني بالكاع اضمن ما
اشوفه وابلع العافية من جديد ، تجاهلت كلشي وسويت
نفسي طبيعية كدام مريم كتلها
مِسك : خلاص كافي دورين لكيت الها فستان يعجبها
مريم: ماشي خلي اخابر على ملك روحي عاملي
هزيت راسي ومشيت واني هادئة لكن قلبي يرجف
كلماته ترن بأذاني اسمه اني متأكدة سامعه بيه بس
وين وين اني كنت حتى اشوفه هزيت راسي طاردة
الافكار منه حسيت الفستان انسحب مني شهكت بفزع
باوعت شفته علي باوعلي مستغرب وهو ينطي الفستان لأبو المحل
علي: بيج شي ؟
مِسك: لا لا
علي: وجهج اصفر مسك اكيد ما بيج شي
مِسك: تعبانه شويه
علي: ماشي راح نرجع للبيت
هزيت راسب وهو دفع الحساب اجن اخواتي وطلعنا
واني اتلفت اريده اشوفه ، هزيت راسي وانتفضت
كافي تفكرين بي كااافيي مجرد كلام تافه ما بي معنى
لكن شياع!! والله اسم غريب
رجعنا للبيت لكينه عُمر عصبي وامي مبينه تعبانه كال
علي
علي: خيرر شبيك عمر
أنت تقرأ
شـيـاع الـمِسك
Romansaأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
