شـيـاع الـمِسك

الحلقة الـ55

‏لا شيء يُلفتني
كهذهِ الضحكة
كملامح وجهِك
كرضاك بعد سخطِك
لا شيء احبُه
كلون الحُمرة على شفتِك
كرائحة الموت على صدرِك
كربيع شعرِك الذي يهفهفُ بالهواء
كعينيكِ اللامعة
ووهجْ روحِك
أحبك
رُغمًا عن الصمت الذي يعتليني
صباحَ مساء
ورُغم اني مُصاب
بعدّة لعنات
ألّا انني اتخيلُك
وتُفرَج.

#شـيـاع الـمِسك
#هُـدى حُـسَـيّـن
••••••••••••••••••••••••••••••••

كان عصبي وضايج راح لأهل إنجيل وتركني وحدي
ويا حيرتي وخوفي وأفكاري ، حمدت ربي لأن سكت
والا منو كان يتوقع شنو يسوي شياع ويا يونس بهاي
اعصابه ، فركت وجهي بقهر والله احس التعب ينهش
بنفسي واني زين لسة مقاومة ،

نزلت كلت بس اضل وحدي اموت من قسوة افكاري
واني دانزل اسمع قهّار يحاجي اهله

قهّار: لا هو ما اتأذى هواي بس سچينة صارت بچفه

عگدت حواجبي ووكفت بالباب كانوه كاعدين كلها يم
عمه ، كال عمي

ابو شياع: شيكولون اهلج عمو

مِسك: على شنو

قهّار: چا غير عُمر هجموه علي حرامية!!!

اتسعت عيوني بصدمة وخوف كتله

مِسك: انتَ شتكول قهّار يمته هالحچي

قهّار: والله سمعت البارحة بالليل بتلاثه هيج

تركتهم وصعدت اركض وارجف بصورة مو طبيعيه ،
يمته هذا الحچي اهلي البارحة اخابرهم كانوه مابيهم
شي يا رب دخيلك اخوي ، يمه ضربتين على راس توجع ، خابرت امي شوي وردت اسمع الهوسة اليمهم
كتلها بصوت مخنوك

مِسك: يمه شلونه عُمر خو ما متأذي

امي: لا يمه الحمد الله مو هواي

مِسك: قهّار كال سچينة صارت بچفه صدك

امي: اي همه الهاجمين علي شايلين سچينة وهذا اخوج
ما يدري بيهم من شايفهم يكسرون بالجام مال المحل
كبل جافت عليهم

مِسك: عزا بعيني اخوي شوداه بتالي الليل

امي: ملك كايلتله جيبلي اندومي وهو رايح وشايفهم

مِسك: وتالي شلونه

امي: لا شاردين بس شايفي ومخابر علي كبل رايحله

مِسك: وجرحه يمه شلونه جرحه

امي: مودي علي للمستشفى مخيطيها اله

مِسك: خوما هواي؟

امي: تسعه ازرارات

مِسك: سوده عليه شحالكم من سمعتوه

امي; هاي بعد يمه قدر وصار

مِسك: وين عُمر اريد احاجي

امي: يم خوالج كاعد