وكنتَ كثيرًا بي تستطيع محوَ الخيبات بقولٍ
أو بعناق وتُهَون عليّ المواجِع ألجأ إليك كي
أحظى بفرحٍ وديع كشخصٍ لا تجد الأحزان
إليه سبيلَ كُنت، معك داخل كذبة مُترفة
من السعادة.
#شـيـاع الـمِسك
#هُـدى حُـسَـيّـن
••••••••••••••••••••••••••••••••
مشيت وتاركته يخزر صعدت بسيارة واني انتظره
شفته دخل للاستقبال وطلع اجاني وعيونه ترعد ما
اهتميت ابد كد ما انقهرت منه وعلى سوايته صعد
وبسرعة ساق وانطلق بينا بسرعة للبيت حچى بصوت ينذر الغضبه مني
شياع: اليوم اتخبلتي عليه شبيج مِسك شببيج ليش
صايره هيج
مِسك بحركة قلب: من دخلت للسه شكالت إنجيل
شسوه شياع لإنجيل ، شلون يحبها يدللها يتعارك
علمودها كل هذا واني سكتت كلت عادي واني ما اهتم
بس طفح الكيل عندي اني انعدم وجودي بسبب إنجيل
ما يشوفوني مرتك ماكو وجود الي بحياة احد من
اقربائك بس يجي طاري شياع كالوه إنجيل شياع اني
ما اتحمل بعد هاي الايام كلها وياك اسمع واعدي وما
احجي اكول اني اتزوجته اني الي جبت لنفسي هاي
الاهاين ، بس البشر هم اله طاقة اني طاقتي ويا كلامهم
وعدم احترامي نفذت ومو من حق اكبر واحد بيكم
يحاجيني اذا حجيت ورديت الاهانة بالاهانة ،
تنفست بقهر وباوعتله كان ساكت بس عصبي واضح
باوعت لطريق وتنهدت كملت كلامي
مِسك: ولا يوم بمناسبة حسيت اني مرتك والي وجود
مهم بحياتك ، ولا مرة عشت هالشعور من يكولون مرت
شياع اني ما اهتم للحچي شياع ، ما اريدهم اني اريدك
الك بس ما يهمني شكالوه شحجوه اهم شي انتَ
تحسسني وجودي مهم ، مو بس إنجيل مو ذنبي اذا
صرت الثانية شفت بزواجك راح اتخلص من مشاكلي
تالي طلعت من مشاكل لأوكع بمشاكل اكبر ، ذنبكم
انتوه الي ما تحسون بقيمة الثانية عادي هي عاشت
وياكم اكثر مني بس اني ما سويت الكم شي يستحق
تجاهلي بهاي الطريقه شياع اني حالي من حال إنحيل
باوعتله كتله
مِسك: حالي من حال إنجيل !!!
سكتت وما عاد اكو كلام يدور بينا كد ما چنه واحد
طافرة اعصابه من الثاني ، وصلنا نزلت وبعدني بالكراج
نزلت والتفتت علي كانت عيونه تحدج تخليني ارجف لا ارادياً كتله برود عكس عاصفة مختلطه بين القهر
والخوف والغضب!!
مِسك: راح اطلب الطلاك واني على كلشي متنازلة!!!
ضحك وتقدم عليه كالي وعيونه ما تبشر بخير
شياع: مِسك كصي لسانج احسن الج
مِسك برود: ما اريد اكصه شياع اني اريد اطلك كافي
الاهاين الي سببتها بزواجي منك اني كرامتي ما تسمح
الي اكثر اتحمل منو كالك اني صخر واضل اتحمل كل
كلامهم اني احبك اي بس احب نفسي وكرامتي هم
ما مستعدة اهين كرامتي اكثر لمجرد اني احبك واريدك
لا شياع لا وصلت حدها اني ما اتحمل بعد
أنت تقرأ
شـيـاع الـمِسك
Romanceأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
