كم رويتُ من الحنينِ تضلّعي
وسَقيتُ من كأس المرارةِ أدمُعي
يا طيفهُ خذني إليه ساعةً
فعساي أرجعُ بالفؤاد وهو معي
#شـيـاع الـمِسك
#هُـدى حُـسَـيّـن
••••••••••••••••••••••••••••••••
تابوتك رجف من گلنة هذا المات
خلال لحظات لحظات فقط انضج البيت بالصياح كانت
الفاجعة احتلت كل ما بالبيت ، نسيت تعبي نسيت ألمي
طلعت اركض واني ادعي مجرد حادث أي من كان ما
رايد اشوف الموت لأحد اعرفه ، شفت عمتي والبنات
منهارات ويصيحن شككَن ملابسهن ويخرمشن بوجهن
كانت فاجعة واتأكدت مو حادث لا موت الموت اقتحم
حياتي ،
اتسعت عيوني بصدمة كعدت من هول صدمتي واني
اشوف ام سراج دخلت تصيح وتبجي وهي تكول
ام سراج: ووولجن مااات ولجن مااات بيار مااات ذاك
الوليد الهادئ خااايبات مااات
عمتي من سمعت كامت وهي تجر ام سراج وتكلها
ام شياع: ووولج اتأكدوه هوو شلووون والله مساعة
احاجي كليلي جذب
ام سراج: خااابروني خابروني كالولي مااات طلع هو
هوو
عمتي من سمعت هيج كبل وكعت والبنات ضجن الدنيا
بصياحهن المفجوع كنت ارجف ومفتحه عيوني مصدومة بيار بيار هو المات!! اجن النسوان وكلها تصيح
وتبجي واني بدوامه شلون مات شلون شوكت ما
اشوف الا علي وامي دخلوه ملاك وهي خربانه ، ردت
اكوم ردت احجي ردت اصرخ مثلهم لكن احس نفسي
تقيدت ومات حيلي من شفت ملك خربانه بحظن امي
والنسوان كلبن الدنيا بالصياح والبجي وعمة الي فاقدة
وعيها والبنات الي الدم ينزف من وجهن ،
شجعت نفسي و زحفت الهن واني خايفه احس جذب
بيار ما مات معقوله زين شلون ، اباوع للنسوان كانً
مفجوعات ويبجن اباوع لامي الي تبجي وحايرة بملك
الي ما تكعد ،
كنت بدوامة ومصدومة وسط هالهوسة ما اشوف الا
كعدت عمتي وتباوع بالوجوه مرعوبة لزمتها ام سراج
ودموعها تنهمل على خدها
ام شياع: ما مات اني اني حاجيته وهو هو كالي راح
اجي انتظريني لا لا تجذبون عليه مووو ولج احجي
جاوبتها ام سراج والخنكة معتلية صوتها
ام سراج: منفجرة بي السيارة وع
قاطعتها عمتي من دفعتها عنها وكامت وهي تخزرها
ام شياع بصوت يرتجف: اااش ولج شلون تفاولين على
بيار ولج هذا بيار شلون هيچ تحچين علييي
أنت تقرأ
شـيـاع الـمِسك
Roman d'amourأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
