تأتينَ مثل المستحيل تفرّداً
تتواضعين لهن، وأنتِ مُحالُ
ما كان إلا أن تكون - أنوثتك
شمسٌ- وكلّ الأخريات ظلالُ .
#شـيـاع الـمِسك
#هُـدى حُـسَـيّـن
••••••••••••••••••••••••••••••••
عظم الله الأجر على جميع المُسلمين
بمُصاب سُبط الرسول (صلى الله عليه وآله وسلم)
مُصاب سيد شباب أهل الجنة ، لقَد عَظُمت الرزيةُ وجَلتِ المُصيبةُ بكَ علَينا وعلى جميعِ أَهل السماواتِ والأَرض ،
حبابيبي شلونكم؟ ، القُصة بدت احداثها النهائية
كولولي رأيكم بكُلشي دايصير ، شخصية مِسك
شخصية شياع ، وحُبهم ، شُكراً على التفاعُل
الجميل كُلش شُكراً وو
{ڪُونـوا بـخيـر .. لأجـل أنـفسـڪم}
لليل بعد ما كلها راحت والعائلة كلها كاعدة يم عمه
ترخصت منهم لان تعبانه ونعسانه ، داطلع وايدي على
كتفي اعصر بي لأنه يوجعني صارت بوجهي إنجيل
وهي ملامحها مرعوبة ما اشوف الا دم وتصرخ
إنجيل: رررراح ااااموت!!!
حبست انفاسي من شفت الدم صار كدام عيوني صورة
من طرحت لزكت نفسي بالباب واني ارجف واباوع
لإنجيل الي التموه عليها كلهم وانخبصوه من شافوه
الدم ينزل عليها كانت تصرخ واني ارجف خايفه حيل
مرعوبة وما اشوف شي بس الدم وجنيني من طاح
كبل صعدت وحاضنه نفسي محاولة مني اسيطر على
رجفة جسمي سديت الباب عليه وكعدت جواه وعيني
على المكان وعيوني متسعه بخوف ، اني اعرف بنفسي
مو بوعيي وكنت اتمتم بأدعيه حتى ارجع لوعي لكن
للاسف الرعب سيطر على جسمي ،
سندت نفسي على الباب وعيوني على المكان الطرحت
بي ما ادري شجاني هيج صرت خايفه ، طلعت من
الغرفة ومشيت لغرفة البنات دخلت للحمام كبل غسلت
وجهي وارش على صدري وركبتي مي بلكي خنكتي
تختفي
طلعت واني اهفي لنفسي اريد هوى كعدت واني لازمة
راسي واحجي ادعية واذكر ربي قرئت سور قُرانية يلا
هدئت ، شمرت نفسي على سرير كَمَرة واني اتنفس
بعمق !!
كَمَرة: مِسك انتِ اهنا بيج شي
باوعتلها وكعدت واني الزم راسي الي بدأ يوجعني كتلها
مِسك: إنجيل راحت
كَمَرة: اي وياها أسينات بس فقداناج ماكو
مِسك: ما ادري راسي يوجعني حيل
كَمَرة: مِسك بيج شي
مِسك: لا لا هذا اشرب علاج واصير زينة خو ما نسيتن
شي الها
كَمَرة: لا لا هي جنطتها كلها يم اهلها خابرت امها وكالت
راح تلحكهم لهناك بعد ما ادري اكلج انتِ متأكدة مابيج
شي
أنت تقرأ
شـيـاع الـمِسك
Romanceأريحيني على صدرك لأني متعب مثلك دعي اسمي وعنواني وماذا كنت سنين العمر تخنقها دروب الصمت وجئت إليك لا أدري لماذا جئت فخلف الباب أمطار تطاردني شتاء قاتم الأنفاس يخنقني وأقدام بلون الليل تسحقني وليس لدي أحباب ولا بيت ليؤويني من الطوفان وجئت إليك تحملني...
