شـيـاع الـمِسك

الحلقة الـ3

أبقِ بقربي كما أنتِ في كلّ مساءٍ
‏وأحضِّنيني كطيّر ٍ
‏ضيع َسربه لا ريحَ رستهُ ولا هواءْ

#شـيـاع الـمِسك
#هُـدى حُـسَـيّـن
••••••••••••••••••••••••••••••••

كنت كاعده وحدي كالعادة ملك بمدرستها ومريم ما
تحاچيني من مشكلة اول بارحة وخطوبتها المُفاجأة
اني شنو ذنبي ما اعرف ، لكنها حطت اللوم عليه ما
حچيت ويا ولا بررتلها ما ردت المشكلة تزيد وهي تافها
ما تردي بكل سهولة ارفضي ، لكنها كالعادة سكتت

ونكرت كلشي صار بيه والمشاكل وعمتها وبنتها من
هدن علينا ما اجن بعينها ، ونكرت وانعمت من شافت
طلال و وجه الحقيقي الحاقد ويا اهلها ، ما تدري اذا
اذى اهلها اخوها واختها يكدر بكل سهولة يأذيها هي
لكن الحُب عماها وخلاها هيج تفكر استحوذ على تفكيرها طلال بس بس هو!

كنت كاعده اقرأ بصالة بيوم مشمس وعلي وعُمر
جايبين السيارة مصلحيها ابوية بشغله يداوم هو
مُوضف وامي كاعده تخابر خالتي مُهجة سمعت
ضجة صارت برا گلت اكيد عمر وعلي دايتعاركون
كالعادة لكن فجأة وصار الصياح والوادم احسها
تجمهرت كدام بيتنا طلعت اركض بسرعة وكان كلماته تجي ترس أذني

طلال: والله ما تنطوها والله اني نهيت عليها والي
يتقربها اسويها دم!!!

تخبلت اخبال و ركضت على علي الي جر طلال ونيمه
بالارض وهو يضرب بي ويصيح علي ما احس الا
انجريت باوعت واني احجي ويا علي والوادم واكفه
بابنا تباوع

عُمر بغضب: دخلي جوووه

دخلني بالمطبخ وطلع وامي ومريم اجن يركضن واني
افرك بأديه من الخوف على علي ما اريده يتورط
بالمشاكل وياه ، و رُغم الضرب الي اكله طلال لسه يصيح

طلال: والله انهي عليها وخلي اشوف رجال اهنا

تخبلوه اخواني وامي انصدمت ومريم صارت تبجي
لزمت امي وكتلها

مِسك: يمه جيبي اخواني جيبهم والله راح يموتوه

تحركت امي بسرعة على أثر كلماتي طلعت منا شو
اقتحموا المكان عمامي منا جروه علي من طلال وضلو
يصيحون سدوه الباب بوجه الوادم الفضوليه طلعت اني
رغم خوفي على اخواني لكني وكفت بشجاعة كدام
عمامي صاح عمي الچبير

: انتو ما تستحون ولكم شبيكم تخبلتوه نسيتوه احنا
منو ولكم احنا اهل شجاكم

طلال:خالي اني نهيت على مريم اني رايدها

صاح عمي الصغير