شـيـاع الـمِسك

الحلقة الـ12

‏أرَقٌ عَلى أرَقٍ وَمِثْلي يَأرَقُ
وَجَوًى يَزيدُ وَعَبْرَةٌ تَتَرَقْرَقُ
جُهْدُ الصّبابَةِ أنْ تكونَ كما أُرَى
عَينٌ مُسَهَّدَةٌ وقَلْبٌ يَخْفِقُ
مَا لاحَ بَرْقٌ أوْ تَرَنّمَ طائِرٌ
إلاّ انْثَنَيْتُ وَلي فُؤادٌ شَيّقُ
جَرّبْتُ مِنْ نَارِ الهَوَى ما تَنطَفي
نَارُ الغَضَا وَتَكِلُّ عَمّا يُحْرِقُ
وَعَذَلْتُ أهْلَ العِشْقِ حتى ذُقْتُهُ
فعجبتُ كيفَ يَموتُ مَن لا يَعشَقُ
وَعَذَرْتُهُمْ وعَرَفْتُ ذَنْبي أنّني
عَيّرْتُهُمْ فَلَقيتُ فيهِ ما لَقُوا

#شـيـاع الـمِسك
#هُـدى حُـسَـيّـن
••••••••••••••••••••••••••••••••

طلعت واني لازمة راسي واحس بوجع مو طبيعي ابد
وكفت كدام الاسد الهائج عيونه الي ما تبشر بالخير ابد
ونظراته تشع بشرار اجه عليه وكالي وهو كوة مسيطر
على نفسه

يونس:،صدگ واقفتي؟

ما حچيت نسيت انطق واني اشوفه شلون وجه كله
كدمات وعيونه نار تحركني من امحلق بيها درت وجهي
وهزيت راسي بأي ما حسيت الا كف  من شدة قوته
راسي انلطخ بالباب صرخت بألم وهم صاحوه كلهم وهو
ولا مهتم اجه عليه واني نسيت الخوف الي عشت بي
قبل شوي منه وعلي وباوعتله بغضب دفعته عني وصحت

مِسك: والك عين تضربني بعد يوووونس ، اصحى لا
تنسى الي سويته بيه وتريدني ما اوافق لاااا وانتظرك
اااانتَ متخيل اااني ارجع الك واعيش وياكم والله لو
يصيغوكم من ذهب فهمت لا اعيش ولا ارجع الك و
اااعيش تحت رحمتكم واي اني موافقة والبي خير خلي يحجي

اني گلت هيج وهو تخبل اخبال هجم عليه كان يلزمه
ابوه وابوية وكف كدامه وصاح

ابوية: هواي تماديت يونس حتى لو بعد اكو خط رجعه
بهاي عمايلك تحلم ترجعلك مِسك راح ازوجها واذا سويت شي هاي الله كتبها عليك

صاح عمي وهو يجر بيونس الي يصيح ويريد نرجع
سوه ويتواعد الي اذا ما وافقت

عمي: دعوفها هالوكحه هاي مخبل احطها بيتي ما عندي مرة تحجي غير احط راسها وافصخه عن جسمها

ضحكت اني وهو باوعلي بعصبيه شلون اضحك كتله

مِسك: خلفلة على النسوان الي جابتكم

اتخبلو بيومها وضلوه يصيحون وااهلي يصيحون
صارت لخة اخذتني امي وخالتي ودخلنا للغرفة واني
اصيح

مِسك: والله ولا ارجعلك تحلم تحلم

امُي: ولج اسكتييي ما عم علينا غير لسانج