شـيـاع الـمِسك

الحلقة الـ50

‏أَنتَ حَسبي وَفيكَ لِلقَلبِ حَسبُ
وَلِحَسبي إِن صَحَّ لِيَ فيكَ حَسبُ
لا أُبالي مَتى وِدادُكَ لي صَحَّ
مِنَ الدَهرِ ما تَعَرَّضَ خَطبُ •

#شـيـاع الـمِسك
#هُـدى حُـسَـيّـن
••••••••••••••••••••••••••••••••

لليل كنت بالمطبخ الثاني اسوي چاي وبالي يم ليال
وعلي كانوا واكفين برا ويحجون ما ادري شصار
بعلاقتهم وشلونهم بضبط ، لان وره خطوبتهم بأيام
قليل صارت فاجعة بيار وتناسينا كلنا وضعهم حتى
قبل اخابره ونضل نحچي هسه ماكو لا نحچي ولا شي

طلعت واني بيدي القووري كان اشوف شياع يستقبل
اصدقائه باوعلي وعيونه جدحت بشرار الغضب كبل
مشيت وان الوم حظي لان تبسمرت اهناك وضليت واكفة اباوعله جني ما شايفته ، وفعلاً اني ما اشبع من
شوفته ابد شما اباوعله ما امله ،

صبيت جاي وركضت كعدت يم امي واني اتنهد من
اتذكر ملك من يوم الاربعين بعد ما اجت مع إن اهلي
وره الاربعين ما تركونه يمنا دائماً هي ما تجي حتى
اليوم ، يمكن ما تريد تذكر الصار اهناك وتتناسى كسرتها

امي: شلونهم وياج

باوعت وصفنت بملامح وجها القلقه شكد مر علي
هالزواج وهي تضل تسألني هذا السؤال وتضل مُصرّة
احجيلها كلشي خاف اتأذى ما تدري اني مبعده نفسي
ومسوية اعتبار لنفسي يمهم ومحد يحاجيني !
ضليت احجي وياها واكلها ماكو شي وأطمنئها عليه

مر الوقت و راحوه وضجت كلش ضجت من شياع اخذ
زوجته و راحوه لبيتهم ، اني ما حچيت شي بس ردت
اشوفه ونحجي سوه فركت وجهي بقهر وكمت اني
صعدت لغرفتي كعدت وحدي واني ضايجة اريد اشوفه
اليوم ما شفته ولا حچينا سوه تنهدت بقهر وبدأ راسي
يوجعني شربت علاج ومشيت تمددت ونمت!!

ثاني يوم نزلت شفت كَمَرة لابسة جبتها وكاعده كتله

مِسك: وين رايحة

كَمَرة: اروح ابدل ويا هيلة وعمة

مِسك: تضلين وحدج؟

كَمَرة: لا عمتي وهيلة يرحن ونضل اني وخالتي

مِسك; ماشي منو يوديج

كَمَرة: خالتي راح تمُر عليه عبالي شياع يجيني بس هو
شو لسة ما بين

مِسك: يمكن راح لشغله

كَمَرة: اي يجوز

مِسك: شو البيت هدوء عكس قبل شوي

كَمَرة: ليال داتطبخ وأسينات اخذت بناتها ودخلت جوه

مِسك: اها

ضليت احجي وياها بين ما اجت خالتها وراحت وياها
واني صعدت اخذت سلة الملابس ونزلت شفت عمي
ابو يونس ويونس وامه دخلوا عگدت حواجبي ومشيت
بسرعة طلعت الهم شافوني ويونس ابتسم الي وكالي