شـيـاع الـمِسك

الحلقة الـ8

‏ماذا أقولُ وكُلّ نبضٍ داخلي يشكو وعقلي للجُنونِ يُساقُ
بالأمسِ ظلّلَني الربيعُ بغُصنهِ واليومَ لا غُصنٌ ولا أوراقُ
يا تاركًا روحي بِرغمِ تعلُّقي رِفقًا بها فالبُعدُ ليسَ يُطاقُ

#شـيـاع الـمِسك
#هُـدى حُـسَـيّـن
••••••••••••••••••••••••••••••••

ما عرفت شصار بالاستقبال لان كنت كاعده يم خالتي
وهُم يمنا ما حچوا بسالفة كدامه لبارق ، مشيت
متوجهة للمطبخ اريد اسويلهم ضيافة ، قادتني رجليه
للاستقبال اريد اتسمع عليهم ماكو صوت هدووء
ردت ارجع للمطبخ ما احس الا نجريت اتسعت عيوني
مصدومة واني اشوفه كدامي ومشى بيه لوره لبيت
كتله

مِسك: شتريد مني عوفني يونس

كان كلامي هادئ عكس عاصفة الخوف الي بداخلي من
شفته عصبي واتذكر شلون كنت اخاف اذا صار عصبي
اذا بيتهم كبل اشرد واذا بيتنا اقفل الباب على نفسي
مو مبالغة لكن يونس من يعصب ما يرحم من اكول ما
يرحم يعني فعلاً هو هيج

يونس: اشوفج من تعاندين كلمتي شيصير بيج

نترت ايدي منه وكتله بغضب

مِسك: منو انتَ حتى اسمع كلمتك اصحى يونس
اصحى اني مو الك حتى طبق عاداتك براسي

تقرب عليه وعيونه ما كانت بيها نُطفة من الهدوء الي
كان مشهدوله بيونس صحيح كنت خايفة منه الا اني
وكفت بثبات وعيوني تنظر اله بهدوء ، ردت اواجه ردت
يطلع من حياتي

يونس: ليش وكفتي ويا بارق

مِسك; عادي هو ابن خالتي واوكف ويا مثل ما وكفت
هسه وياك

يونس بغضب: لللج اني غيير

طوقني من اكتافي بعصبيه ويهز بيه كتله

مِسك: لا مو غير انتَ هسه حالك من حاله

رفع ايده وطبعها على خدي باوعتله بضعف كنت
متوقعه هالشي منه كالي بحده

يونس: مِسك استعدلي احسن الج بارق ابتعدي عنه
لا ما يحصل خير ابد

لزمت خدي من حسيت حرارة توجرت بي باوعتله
بحدة وكتله

مِسك: عبالك راح اسمع كلامك لمجرد ضربتني كف ؟
غلطان يونس ولو كان عندك ذرة احترام يمي هسه
انعدمت تحلم بعد تشوفني وتحاچيني وعناد بيك والله
عناد بيك اروح واكعد يمه ،

ختمت كلامي وهو تخبل اخبال ضل يصيح عليه واني
تجاهلته ومشيت دخلت للمطبخ صارت بوجهي رحيل
وملك كالتلي

ملك: وين چنتي

مِسك: اهنا موجوده

رحيل: شبي خدج احمر؟