شـيـاع الـمِسك

الحلقة الـ21

لِعَينَيكِ ما يَلقى الفُؤادُ وَما لَقي
وَلِلحُبِّ مالَم يَبقَ مِنّي وَما بَقي
وَما كُنتُ مِمَّن يَدخُلُ العِشقُ قَلبَهُ
وَلَكِنَّ مَن يُبصِر جُفونَكِ يَعشَقِ
وَبَينَ الرِضا وَالسُخطِ وَالقُربِ وَالنَوى
مَجالٌ لِدَمعِ المُقلَةِ المُتَرَقرِقِ
وَأَحلى الهَوى ما شَكَّ في الوَصلِ رَبُّهُ
وَفي الهَجرِ فَهوَ الدَهرُ يَرجو وَيَتَّقي
وَغَضبى مِنَ الإِدلالِ سَكرى مِنَ الصِبا
شَفَعتُ إِلَيها مِن شَبابي بِرَيِّقِ
وَأَشنَبَ مَعسولِ الثَنِيّاتِ واضِحٍ
سَتَرتُ فَمي عَنهُ فَقَبَّلَ مَفرِقي
وَأَجيادِ غِزلانٍ كَجيدِكِ زُرنَني
فَلَم أَتَبَيَّن عاطِلاً مِن مُطَوَّقِ
وَما كُلُّ مَن يَهوى يَعِفُّ إِذا خَلا
عَفافي وَيُرضي الحِبَّ وَالخَيلُ تَلتَقي

#شـيـاع الـمِسك
#هُـدى حُـسَـيّـن
••••••••••••••••••••••••••••••••

وكفت السيارة گبال بيت اهلي ، عيوني بدت تلمع واني
اشوف بيتهم ، التفت عليه شياع واني بس اضحك كالي

شياع: يلا نزلي وانه باچر اجيج

مِسك بأبتسامة: ااوه . ما تدري شكد فرحتني شكراً

شياع: ليش تحسسيني انه حارمج منهم مِسك

التفتت اله واني اضحك كتله

مِسك: لا لا والله لكن ما تعرف اهلي شكد أعزهم

شياع: كلنا نعز اهلنا

مِسك: بس كلها مو مثل معزتي الهم

التفت الي ورافع حاجب ضحكت وكتله

مِسك: تجي على الغدة

للحظات صفن بوجهي بعدين كالي

شياع: ان شاء الله

ابتسمت بوجه نزلت من السيارة اخذت جنطتي التفت
عليه وكالي

شياع: لا طلعين منا منا

ضحكت اله وكتله

مِسك: گتلك صار ما اطلع وعندك جاسوس هو يگلك اذا
طلعت او لا

ضحك واني ودعته ودخلت لبيتنا الباب كالعادة مفتوح
لان ابوية يطلع اول واحد ومحد يقفله وراه مشى
شياع وصار بوجهي علي ضحك وكالي

علي: هاي شجابج

ضحكت وهو اجه حظني وباس راسي كتله

مِسك; شياع جابني

علي: ها وينه موجود